16 02 2021

Ո՞վ էր պատկերացնելու, որ Սյունիք գնալիս Ադրբեջանի տարածքով ենք անցնելու. Արա Զոհրաբյան

Ո՞վ էր պատկերացնելու, որ Սյունիք գնալիս Ադրբեջանի տարածքով ենք անցնելու. Արա Զոհրաբյան

Մենք մի խումբ գործընկերներով հայց ենք ներկայացրել վարչական դատարան ՊՆ-ի և Գլխավոր շտաբի դեմ: Այս մասին փետրվարի 16-ին լրագրողների հետ հանդիպման ժամանակ ասաց Փաստաբանների պալատի նախագահ Արա Զոհրաբյանը:

«Խնդրել ենք դատարանին պարտավորեցնել այս մարմիններին, որ առանց դեմարկացիայի եւ դելիմիտացիայի չզիջեն այդ տարածքները: Դաստարանը մերժել է հայցի ապահովման միջոցի կիրառում: Մենք դա բողոքարկել ենք վարչական վերաքննիչ դատարանում: Հերիք չի պարտվել ենք, ամեն օր ունենում ենք ինքնիշխանության ու արտաքին անվտանգության կորուստ: Ով էր պատկերացնելու, որ Սյունիք գնալից Ադրբեջանի տարածքով ենք անցնելու»,-ասաց նա՝ հավելելով, որ հետագայում շատ դժվար է լինելու դրանք հետ բերելը:

Զոհրաբյանը նաև տեղեկացրեց, որ Փաստաբանների պալատը ռազմական գործողությունների հետևանքով տուժած անձանց հնարավոր խնդիրների եվ դրանց լուծման ուղիների վերաբերյալ ուղեցույց է հրատարակել:

Ուղեցույցում տեղ են գտել զոհված զինծառայողի ընտանիքի, վիրավորում ստացած զինծառայողների, գերեվարված և անհետ կորած զինծառայողների ընտանիքների մասին, առողջական խնդիրներ և վնասվածքներ ստացած անձանց, տեղահանված անձանց, քաղաքացիական անձանց շրջանում զոհերի ընտանիքների և հաշմանդամություն ձեռք բերած անձանց, Սյունիքի մարզում հրետակոծություն կրած անձանց և մարտական գործողությունների մասնակիցների վերաբերյալ հարցեր:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ