Ադրբեջանի կողմից զորքերի տեղաշարժ չկա։ Այս մասին այսօր՝ մարտի 21-ին, լրագրողների հետ ճեպազրույցի ժամանակ հայտնեց ՀՀ ՊՆ նախարար Սուրեն Պապիկյանը՝ նշելով, որ չգիտի, թե ինչու են ադրբեջանական զորքերի շարժի և կուտակումների վերաբերյալ սուտ լուրեր տարածվել։
«Սա մեր գնահատականն է եղած փաստերի հիման վրա։ Եթե կլինեն փաստեր, մենք պատրաստ ենք ուսումնասիրել, հետաքննել։ Որպեսզի նման գնահատական տալ, պետք են հետախուզական տվյալներ։ Այս պահին, գետնի վրա, նման երևույթ տեսանելի չէ։ Մամուլում տեղի ունեցող ապատեղեկատվությունը նրա մասին, որ տեղի են ունենում կուտակումներ, զորքերի տեղաշարժեր, պաշտպանության նախարարությունը չի հաստատում»,- ասաց նա։
Անդրադառնալով վերջին օրերին ադրբեջանական կողմից տարածվող ապատեղեկատվություններին՝ նախարարն ասաց․ «Քանի որ մեղադրողը մեր հարևաններն են, ասել ենք՝ ապացույցներ տրամադրեք։ Մինչ օրս չեն ներկայացրել Հայաստանի կողմից առաջնագծում հրադադարի ռեժիմը խախտելու փաստեր և ապացույցներ»։
Մանրամասն՝ տեսանյութում։
