Արևմտյան վերլուծաբանների և մասնագետների համար ակնհայտ է դառնում, որ Ռուսաստանը հետևողականորեն գնում է իր նպատակների իրականացման ուղղությամբ։ Այս մասին ճեպազրույցի ժամանակ հայտնել է ՌԴ նախագահի մամուլի քարտուղար Դմիտրի Պեսկովը։
«Նախկինում նույնպես մեծ մոլորություն էր պնդել, թե, իբր, Ուկրաինան ներուժ ունի դիմակայելու Ռուսաստանի ճնշմանը։ Դրանք պարզապես սխալ պատկերացումներ էին։ Ոմանց մոտ այդ սխալ տեսակետը դեռ պահպանվում է։ Սակայն մասնագետների և իսկապես լուրջ վերլուծաբանների համար ավելի ու ավելի ակնհայտ է դառնում՝ հաշվի առնելով ռազմաճակատում նկատվող դինամիկան, որ Ռուսաստանն իսկապես օրեցօր բարելավում է իր դիրքերը և հետևողականորեն գնում է իր նպատակների իրականացման ուղղությամբ»,- նշել է Կրեմլի ներկայացուցիչը՝ պատասխանելով արևմտյան ԶԼՄ-ներում՝ «Կիևը հակամարտությունում պարտվում է» մեկնաբանություններին:
