«Փաստ» օրաթերթը գրում է, որ 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի զեկույցը չի հրապարակվել և ուղարկվել է ԱԺ առաջին (գաղտնի) բաժին՝ գաղտնի տեղեկատվության պատճառաբանությամբ, թեև խոստացվել է հասանելի դարձնել ոչ գաղտնի հատվածները։
Նշվում է, որ մինչ այսօր պաշտոնապես հստակ չէ զոհերի թիվը. Պրահայում Վահագն Խաչատուրյանը նշել է 4800, ապա աշխատակազմը պարզաբանել է՝ վրիպակ, թիվը 3755։ Ժամանակ առ ժամանակ հնչել են նաև 3833, 4273, 3825, 3815 թվերը։
Հիշեցվում են «4000-ի կարգի, պլյուս-մինուս 50» ձևակերպումն ու Արարատ Միրզոյանի «Տո ստի հերն անիծեմ, թե էդքան զոհ ունենք» խոսքը։ Հոդվածը պահանջում է հրապարակել զոհերի և անհետ կորածների անվանական ցուցակները՝ կասկածները փարատելու համար։
