Սարատովի մարզում մահափորձ է կատարվել Ռուսաստանի օդատիեզերական ուժերի սպայի դեմ։ Այս մասին հայտնում են անվտանգության ուժերին մոտ գտնվող Mash, Baza և Shot տելեգրամյան ալիքները։ Տուժածը հոսպիտալացվել է ծանր վիճակում։ Քննչական կոմիտեն քրեական գործ է հարուցել զինծառայողի սպանության փորձի համար, հաղորդում է ТАСС-ը։
Նշվում է, որ տուիժածը Ռուսաստանի օդատիեզերական ուժերի հեռահար ավիացիայի 22-րդ ծանր ռմբակոծիչ ավիացիոն դիվիզիայի հրամանատար, գեներալ-մայոր Նիկոլայ Վարպախովիչն է։ Այս տեղեկատվությունը պաշտոնապես հաստատված չէ։
Մահափորձը տեղի է ունեցել սեպտեմբերի 3-ի առավոտյան։ Հարձակվողը մոտոցիկլետով գնացել է Էնգելս քաղաքի մոտ գտնվող նրա առանձնատուն։ Նա ատրճանակից երկու անգամ կրակել է Վարպախովիչի վրա, ապա փախել։
Մեկ գնդակը դիպել է տուժածի որովայնին, մյուսը՝ գլխին։ Վիրավորվել է նաև սպայի վարորդը, որին հաջողվել է փախչել և շտապօգնություն կանչել։
Ուկրաինան զինվորականին մեղադրում է Կիևի «Օխմատդետ» հիվանդանոցի վրա ռուսական հարձակման համար։
