«Վա՛յ, մեր ժողովուրդն ինչ մեղքի համար է այսօր ընկել, չեմ հասկանում։ Փաստորեն, որ Նիկոլ Փաշինյանն ադրբեջանական տերմինով, ադրբեջանցիների պահանջով «Նախչևան» պետք է ասի, դրա համար էլ են նախկինները մեղավոր։
Պարոն Արարատ Միրզոյանն այստեղ է։ Պարո՛ն Միրզոյան, Ստեփան Մելիք-Բաղշյանը և մի խումբ պատմաբաններ ժամանակին «Հայաստանի և հարակից շրջանների տեղանունների բառարան» են կազմել։ Ակադեմիական հրատարակություն է։ Մի անգամ այդ բառարանը տվե՛ք, թող տեսնի՝ Նախիջևանն ինչ է իրականում։
Դիմում եմ Տրդատ Սարգսյանին, Արարատ Միրզոյանին, Սուրեն Պապիկյանին․ առաջարկում եմ վաղը-մյուս օրը բոլորս մեր դիպլոմները (իմն ու Տրդատինը՝ Արևելագիտության ֆակուլտետի Թուրքագիտության բաժնի, ձերը՝ Պատմության) բերենք այստեղ, վառե՛նք, վառե՛նք, որովհետև այն, ինչ մեզ ուսուցանել է ակադեմիկոս Ռուբեն Սաֆրաստյանը, պարզվում է՝ կեղծ է։
Ռուբեն Սաֆրաստյանի հատորներով աշխատությունները՝ Թուրքիան իբրև ցեղասպան պետություն հիմնավորող, որտեղ ապացուցվում է, թե դա պետական քաղաքականություն է, ջուրն են լցվում, որովհետև Նիկոլ Փաշինյանը գալիս է այս ամբիոնից և թուրք պատմաբանների թեզերը շաղ տալիս ի լուր ամբողջ աշխարհի»,- այս մասին ԱԺ հարցուպատասխանի ժամանակ ասաց «Հայաստան» խմբակցության պատգամավոր Գեղամ Մանուկյան։
Մանրամասն՝ տեսանյութում։
