«Արմավիր» քրեակատարողական հիմնարկում պահվող կալանավորված անձն այսօր ինքնասպանության փորձ է կատարել։ Այս մասին Sputnik Արմենիայի փոխանցմամբ՝ հայտնել են Քրեակատարողական ծառայությունից, փորձը կանխվել է։
Armlur.am–ի տեղեկություններով՝ ինքնասպանության փորձ կատարողը պետական դավաճանության մեջ մեղադրվող Թորոս Թորոսյանն է։ Կայքն ավելի վաղ գրել էր, որ Թորոսյանը հացադուլ էր հայտարարել, քանի որ դժգոհություն ունի իրեն առաջադրված մեղադրանքից և պնդում է, որ արդեն 1,4 տարի է՝ իրեն անհիմն են կալանավորել։
Թորոսյանին մեղադրում են հակառակորդին մարտական դիրքերի և ռազմական օբյեկտների մասին տեղեկություններ փոխանցելու մեջ։
