«Բարգավաճ Հայաստան» կուսակցությունը և Գագիկ Ծառուկյանը, որը այսօր գտնվում է բանտում՝ այս իշխանության քաղաքական հետապնդումների հետևանքով, այնուամենայնիվ, առաջնայինը միշտ համարել ենք երկու բան, և դուք բոլորդ գիտեք։ Այս մասին այսօր՝ օգոստոսի 7-ին, հայտարարեց ԲՀԿ անդամ, քաղաքական վերլուծաբան Արման Աբովյանը։
«Առաջինը՝ մենք հայ ենք։
Մենք հայ ենք, իսկ հայ լինելը դա լոկ ազգանունը չի, և անձնագրի առկայությունը չի, և լեզվի իմացությունը չի։ Հայը դա մի կարգավիճակ է, որը իր մեջ կարևորագույն բաղադրիչներից մեկը ներառում է՝ քրիստոնյա լինելը։
Հայ Առաքելական Եկեղեցու խոնարհ զավակներ ենք մենք բոլորս, և այս պարագայում մենք չէինք կարող այստեղ չլինել, որովհետև այն, ինչ այսօր կատարվում է, սա ուղղակի…փորձում ենք որակումներ տալ մի երևույթի, որը ընդհանրապես որակումներից դուրս է։ Որովհետև այստեղ մեր բոլորիս խնդիրն է, այստեղ մեր բոլորիս խնդիրն է։
Եվ այս տանքները, այս ուղղակի աննորմալ իրավիճակը, որին մենք ականատես ենք՝ թե՛ հոգևոր իշխանության, այո՛, իշխանության, թող ոչ ոք չսխալվի՝ հենց իշխանության, այո՛, Կաթողիկոսի դեմ, մեր եկեղեցու դեմ, Վեհափառների դեմ, թե՛ քաղաքական առումով՝ ինչքան են հիմա քաղբանտարկյալները, թե՛ առհասարակ բոլոր այն գործընթացների, որոնց մենք ականատես ենք։ Եվ ևս մեկ անգամ կրկնեմ՝ այն, ինչ կատարվում է այսօր Գագիկ Ծառուկյանի հետ, ամենացայտուն օրինակն է, թե ոնց են երկիրը հետևողականորեն դեպի անդունդ տանում», նշեց նա։
Մանրամասն՝ տեսանյութում։
