«Պատկերացնո՞ւմ եք, «Հայփոստը» պատկանում է ԲՏԱ նախարարությանը: Հլը ԲՏԱ նախարարությունը բացե՛ք. Բարձր տեխնոլոգիական արդյունաբերության նախարարություն է, չէ՞: Այսպես ասած, բարձր տեխնոլոգիաների նախարարությունը շարժվում է 19-րդ, 20-րդ դարի ընթացակարգերով, տպագիր չեն տպում, ու իմ փաստաթղթերը կորան: Եվ այդ փաստաթղթերը եթե նորից հանեի, պետք է դիմեի Առևտրաարդյունաբերական պալատից Մարգարիտ ծյոծյային, որպեսզի կարողանար վերականգնել ծագման սերտիֆիկատը, դիմեի ֆիտոսանիտարական սերտիֆիկատի համար Վարդան Բարխուդարյանին, դիմեի իմ բրոկեր Մարտինին և գտնեի մաքսայինի աշխատակից Նարեկ Մկրտչյանին (ով հերթափոխով է աշխատում), որպեսզի այդ ինվոյսիս վրա ամիս-ամսաթիվը գրեր, որ ես կարողանայի փող ստանալ իմ իտալացի հաճախորդից: Այ այս 19-րդ դարի մոտեցումով մենք ուզում ենք, որ «Հայփոստը» շահույթո՞վ աշխատի. չի՛ կարող աշխատել: Եվ այդ որ անընդհատ խոսում եք՝ 500 միլիոն վնաս է, հաջորդ տարի միլիարդի վնասով է աշխատելու: Ցանկացած մասնավոր սեփականություն, երբ տրվում է պետությանը, ունենում է այս արդյունքը, չի ունենում առաջընթաց, և պետական կառավարիչը, չունենալով բիզնես մտածողություն, բերում-հասցնում է այ այս վիճակին»,- այս մասին ԱԺ իր ելույթում ասաց «Ուժեղ Հայաստան» կուսակցության պատգամավոր Հարություն Մնացականյանը։
Մանրամասն՝ տեսանյութում։
