«Գործարանում 130-ից 150 աշխատող կա։ Այսօր գործարանի աշխատանքը կանգնեցված է, և բոլոր աշխատակիցները մնացել են անգործ։ Ես ինքս այստեղ եմ աշխատում 2024 թվականի սեպտեմբերի 24-ից և այս աշխատանքի շնորհիվ հոգում եմ ընտանիքիս հոգսերը։ Ուղղակի այսօր շատ տհաճ երևույթ է տեղի ունենում. քաղաքականության պատճառով մի մարդու են ձերբակալում, ընդ որում՝ ամենավերջին հանցագործին անգամ այնպես չեն ձերբակալում, ինչպես ձերբակալել են պարոն Ծառուկյանին։ Դա շատ տհաճ երևույթ է, և առաջին հերթին հենց իրենք պետք է ամաչեն, որ նման մարդուն նման ձևով են ձերբակալել։ Բացի այդ, եթե պարոն Ծառուկյանը հանցագործ էր, ապա այս ութ տարիների ընթացքում ինչո՞վ էին զբաղված. թող այդ ութ տարվա մեջ բռնեին, դատեին ու թույլ չտային, որ հանցագործը դրսում մնա։ Բայց հենց քաղաքական պահը եկավ, ընտրությունները մոտեցան և պարոն Ծառուկյանը դարձավ ընդդիմախոս, միանգամից հանցագործ դարձա՞վ»,- այս մասին բողոքի ակցիայի ժամանակ ասաց «Մուլտի տաբակ» ընկերության աշխատակիցներից մեկը։
Մանրամասն՝ տեսանյութում։
