«Մենք հանրային դաշտում առնչվում ենք մի իրավիճակի, երբ ժամանակին ստեղծված, այսպես ասած, քաղաքացիական հասարակության կառույցները, կամ գոնե դրանց գերակշիռ մասը, այլևս անգործություն են ցուցաբերում։ Դրանով իսկ նրանք կանաչ լույս են տալիս, որը օգնում է այս իշխանություններին ոչ միայն շարունակել իրենց հետապնդումների և բռնաճնշումների գործողությունները, այլև դրանք էլ ավելի տարածել և իրականացնել ավելի կոպիտ ու օրենքից դուրս տարբեր ձևերով։
Միջազգային կառույցների հետ իմ տասնամյակների աշխատանքը՝ թե՛ որպես ԱԳՆ խոսնակ, թե՛ որպես ՄԱԿ-ում փոխդեսպան և հետագայում՝ միջազգային կազմակերպությունների վարչության պետ, ինձ մի բան է ապացուցել. գուցե այսօր միջազգային իրավունքը թվացյալ կոմայի մեջ է, և դա մեզ մեծ հնարավորություններ չի տալիս, բայց մեր պետության հանձնառությունները և առկա կառույցների ճիշտ օգտագործումը, հատկապես տեղեկատվության տրամադրման և այլընտրանքային կարծիքի ներկայացման միջոցով, կօգնի ոչ միայն զսպել այս իշխանությունների ախորժակը՝ հասարակությանը լիովին ենթակա և ստրուկ մտածելակերպ ունեցող զանգված դարձնելու հարցում, այլ նաև որոշակի կանխարգելիչ դերակատարում ունենալ թե՛ մեր երկրի ներսում, թե՛ մեր հարևան Ադրբեջանի պարագայում, որտեղ մինչ օրս ունենք պատանդներ և գերիներ»,- այս մասին քաղաքական դրդապատճառներով հետապնդվող անձանց իրավունքների հարցերով հանձնաժողովի առաջին մամուլի ասուլիսի ընթացքում հայտարարեց ՀՀ արտակարգ և լիազոր դեսպան Ձյունիկ Աղաջանյանը։
Մանրամասն՝ տեսանյութում։
