Թուրքիայի «Ազգայնական շարժում» կուսակցության առաջնորդ և իշխող կոալիցիայում Թուրքիայի նախագահի դաշնակից Դևլեթ Բահչելին խիստ քննադատության է ենթարկել Թուրքիայի վերաբերյալ Եվրախորհրդարանի զեկույցը և Բրյուսելին մեղադրել է հանրապետության ներքին գործերին միջամտելու մեջ։
«Եվրոպական խորհրդարանը փորձում է քողարկել իր սեփական թուլություններն ու սխալները Թուրքիայի մասին զեկույցներով։ Ոչ ոք իրավունք չունի թուրքական պետությանը թելադրել, թե ինչպես գործել։ Բոլորը պետք է իմանան իրենց տեղն ու սահմանները»,- խորհրդարանում ունեցած ելույթում ասել է Բահչելին։
Քաղաքական գործչի խոսքով՝ Եվրոպան, որը բախվում է անվտանգության, միգրացիայի և ներքին կառավարման ոլորտներում խնդիրների, որևէ հիմք չունի Անկարային դասախոսություններ կարդալ ժողովրդավարության, օրենքի և պետական կառավարման վերաբերյալ։ Բահչելին հայտարարել է, որ Թուրքիան թույլ չի տա կասկածի տակ դնել իր դատարանների որոշումները և միջամտել դատական գործընթացներին:
Նշենք, որ Թուրքիայի վերաբերյալ Եվրոխորհրդարանի կողմից ընդունված 2025 թվականի զեկույցում քննադատվում է երկրում իրավունքի գերակայության, դատական համակարգի անկախության և մարդու իրավունքների հետ կապված իրավիճակը։
