Որքա՞ն է ծախսվել ՀՀ բյուջեից եվրոպացիների հակառուսական միջոցառումների համար

19 Հունիսի, 2026

Yerkir.am-ը դեռևս մայիսի 4-ին գրավոր հարցում էր ուղարկել վարչապետի աշխատակազմ՝ խնդրելով սպառիչ տվյալներ տրամադրել առ այն, թե որքա՞ն գումար է ՀՀ կառավարությունը ծախսել  պետական բյուջեից Ֆրանսիայի նախագահ Էմանուել Մակրոնի պետական այցի, Եվրոպական քաղաքական համայնքի գագաթնաժողովիև ՀՀ-ԵՄ գագաթնաժողովի վրա։ Խնդրել էինք ներկայացնել կատարված ծախսերի մանրամասն բացվածքը, որը կներառի հյուրանոցների, ռեստորանների, նվերների և այլնի համար վճարված գումարները։

Երկարատև ձգձգումներից, բազմաթիվ զանգերից ու հիշեցումներից հետո օրերս կարողացանք ստանալ պատասխանները, որտեղ, սակայն, ոչ թե մեր ակնկալած թվերն են, այլ գնման ընթացակարգի որոշ ծածկագրեր, որոնց արդյունքում կնքված պայմանագրերի վերաբերյալ ամբողջ տեղեկատվությունը պետք է որոնեինք պաշտոնական տեղեկագրերում։

Վարչապետի աշխատակազմից միաժամանակ տեղեկացնում են, որ վարչապետի արարողակարգային միջոցառումների կազմակերպման շրջանակներում ձեռքբերվող ապրանքներոը, աշխատանքները և ծառայությունները, «Գնումների մասին» ՀՀ օրենքի 15-րդ հոդվածի 2-րդ կետով սահմանված կարգով, ներառվում են պետական գաղտնիք պարունակող գնումների պլանում, ուստի վերոգրյալ գնման առարկաների վերաբերյալ տեղեկատվությունը հրապարակման ենթակա չէ։ Ստացվում է, որ այս թվերը ամբողջությամբ չեն արտացոլում ծախսերը։ Այդուհանդերձ, եղած պատկերն էլ պակաս կարևոր չէ, որպեսզի Հայաստանի հարկատուն պատկերացում կազմի, թե ի՞նչ է արժեցել իր վրա Փաշինյանին աջակցող եվրոպացիների այդ հակառուսական միջոցառումը, որի դառը պտուղները քաղում է այսօր հայ գործարարը, արտադրողը, ջերմոցատերն ու բեռնափոխադրողը, ՌԴ-ում աշխատող խոպանչին ու Ռուսաստանի հետ բազմաթիվ թելերով կապված ողջ ազգաբնակչությունը։

Եվրոպական քաղաքական համայնքի 8-րդ գագաթնաժողով․

  1. ԱԳՆ ՊԱԾ-ԱՎԾՁԲ-01/06 – տրանսպորտ – 79․712․000 դրամ
  2. ՀՀՎԱ-ԲՄԾՁԲ-26/1-1 – 1․656․295․200 դրամ

ՀՀ –ԵՄ գագաթնաժողով

  1. ԱԳՆ–ՊԱԾ –ՖՊԾՁԲ-19/05 ներկայացուցչական ծախսեր – 1․257․500 դրամ
  2. ԱԳՆ–ՊԱԾ –ԱՄԾՁԲ-19/05 – դրոշներ – 2 750 000 դրամ
  3. ԱԳՆ–ՊԱԾ –ԲԱԾՁԲ-19/05– ներկայացուցչական ծախսեր – 1 257 500 դրամ
  4. B7045668162 – թարգմանություն – 220 000 դրամ
  5. A3486059267 – գինի, կոնյակ – 390 000 դրամ

Ֆրանսիայի նախագահ Էմանուել Մակրոնի՝ ՀՀ կատարած պետական այցի կազմակերպման և անցկացման հետ կապված ծախսեր — 54․360․539 դրամ։

Ամբողջը միասին՝ 1․796․242․739 դրամ կամ 4․855․000 ԱՄՆ դոլար։

Կրկնում ենք՝ վերոնշյալն ընդամենը բաց աղբյուրներից քաղված պատկերն է և չի արտացոլում կատարված ծախսերն ամբողջությամբ։

Իսկ այժմ որոշ ուշագրավ ծախսերի մասին ավելի մանրամասն

Մայիսի 4-ին կայացած Եվրոպական քաղաքական համայնքի 8-րդ գագաթնաժողով․

  • պաշտոնական ընթրիքի ընթացքում մշակութային մասի ապահովում – 45 մլն 600 հազար դրամ,
  • պաշտոնական ընթրիքի ընթացքում անհրաժեշտ գույթ և տեխնիկա – 26 մլն 400 հազար,
  • գագաթնաժողովի անցկացման էլեկտրոնային հարթակների ստեղծում – 42 մլն դրամ,
  • բացման հանդիսավոր արարողության կազմակերպում – 120 մլն դրամ,
  • բացման հանդիսավոր արարողության ընթացքում անհրաժեշտ գույք և տեխնիկա – 102 մլն դրամ,
  • մետրոյի վագոնների բրենդավորում (5 հատ) – 4 մլն 200 հազար դրամ,
  • մետրոյում ԵՔՀ բրենդինգով պաստառների տեղադրում (20 հատ) – 3 մլն 600 հազար,
  • զուգարանների ապահովում ՄՀՀ-ի տարածքում առնվազն 20 հատ – 2 մլն 400 հազար,
  • ինստալացիա քաղաքում – 96 մլն դրամ,
  • «Ֆակտորի Փրոդաքշն» ՍՊԸ հոնորար – 48 մլն դրամ։

(Ծախսերի այս հատվածի պատկերն ամբողջությամբ՝ կից աղյուսակում)։

Նմանատիպ նյութեր

Երազ է տեսել ու սպանել մարդուն. «Հրապարակ»

Երազ է տեսել ու սպանել մարդուն. «Հրապարակ»

«Հրապարակ» օրաթերթը գրում է. Մեր տեղեկություններով՝ օրեր առաջ Բաղրամյան պողոտայում 29-ամյա Էրիկ Կակոյանին դանակահարած երիտասարդին տեղափոխել են հոգեբուժարան՝ հարկադիր բուժման։ Հիշեցնենք, որ նոյեմբերի 7-ին, ժամը 17։33-ին ահազանգ էր ստացվել Բաղրամյան պողոտայում...

Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»

Ինչո՞ւ է Հայ առաքելական եկեղեցին գործող իշխանության գլխավոր թիրախը. «Փաստ»

«Փաստ» թերթը գրում է. «Վերջին օրերին փաշինյանական իշխանության «կարկառունները» վերստին սևեռվել են Հայ առաքելական եկեղեցու և Ամենայն հայոց կաթողիկոսի վրա: Առաջին հայացքից, կարծես, ոչ մի նոր բան չկա: Քպական «կարկառունները», այսպես ասենք, հերթական անգամ «փայլատակեցին»...

Նորանշանակ ՄՍԾ պետը․ ով է Արամ Միրիջանյանը և ինչ ունեցվածք ունի. «Ժողովուրդ»

Նորանշանակ ՄՍԾ պետը․ ով է Արամ Միրիջանյանը և ինչ ունեցվածք ունի. «Ժողովուրդ»

«Ժողովուրդ» օրաթերթը գրում է. «Ինչպես երեկ հայտնել էր «Ժողովուրդ» օրաթերթը, վարչապետ Նիկոլ Փաշինյանի որոշմամբ՝ Արամ Միրիջանյանը նշանակվել է ՀՀ աշխատանքի և բարեկեցության նախարարության Միասնական սոցիալական ծառայության պետ։ ArmLur.am-ն ներկայացնում է, թե ով է ՄՍԾ...

Խաղաղության պատրանքը և ուժի գործոնն առաջ մղող միջազգային իրավիճակը. «Փաստ»

Խաղաղության պատրանքը և ուժի գործոնն առաջ մղող միջազգային իրավիճակը. «Փաստ»

«Փաստ» թերթը գրում է. «Հանրային ու փորձագիտական մտքի համար կենսական նշանակություն ունի հասկանալը, թե ինչու հատկապես 2020 թվականին լայնածավալ կերպով սկսվեց Արցախի դեմ ուղղված ռազմական ագրեսիան, և արդյոք այսօր էլ գոյություն ունի՞ իրական հավանականություն, որ կարող է տեղի...

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

Պապոյանի խառը հայտարարությունները․ Ռուսաստան չի մեկնել՝ սահմանափակումները չեն վերացվի. «Ժողովուրդ»

«Ժողովուրդ» օրաթերթը գրում է. «Էկոնոմիկայի նախարար Գևորգ Պապոյանը վերջին օրերին Ռուսաստանի կողմից հայկական ապրանքների նկատմամբ կիրառվող սահմանափակումների հարցում բավականին խառը հայտարարություններ է անում՝ մի կողմից խոստանալով հասնել դրանց վերացմանը, մյուս կողմից՝...