Google-ի գոյության ողջ ընթացքում, Google Maps-ը ինչքան գոյություն է ունեցել, այդ անունն այնտեղ է եղել, այլ բան, որ ոմանք նոր են դա նկատել։ Այս մասին լրագրողների հետ ճեպազրույցում ասաց Նիկոլ Փաշինյանը՝ անդրադառնալով Տիգրանաշենի վերաբերյալ լրագրողի հարցին։
Նիկոլ Փաշինյանը նաև նշեց՝ կան հարցեր, և անկլավների թեմայից Հայաստանը չի կարող հրաժարվել մի պարզ պատճառով, որովհետև ինքներս ունենք անկլավ՝ Արծվաշենը։
«Եթե որևէ մեկը հրաժարվի, դա քրեական պատասխանատվության հիմք է, ոչ մեկը չի կարող ՀՀ ինքնիշխան տարածքից հրաժարվել։ Սա պարզ թեմա չէ։ Որևէ պայմանավորվածություն, որևէ ռազմավարություն, որևէ հայեցակարգ այս պահի դրությամբ այս հարցի լուծման հետ կապված չկան»,- ասաց նա։։
