Ուսուցիչների գործն ուզում են կոծկե՞լ. Հանրայինը արդարացնում է ՔՊ քարոզարշավին մասնակցած ուսուցիչներին

16 Մայիսի, 2026

Արագածոտնի մարզի Բերքառատ բնակավայրի դպրոցի տնօրեն Աննա Վարդանյանը, որը ուսուցիչների հետ մայիսի 13–ին դասերի ժամին գնացել էր ՔՊ–ի քարոզարշավին, հերքում է իր եւ ուսուցիչների կազմակերպված մասնակցությունը քարոզարշավին։ Նա հերքել է նաեւ իր իսկ ղեկավարած դպրոցի ուսուցչուհու պատմածը NEWS.am–ին, որ դպրոցի դասերը կրճատել են, որ գնան Ծաղկահովիտ ՔՊ քարոզարշավին, եւ որ Գազելը նրանց տրամադրել է «շրջկենտրոնը»։

Բերքառատի վարչական ղեկավար Մերուժան Մինասյանն էլ է հերքել տնօրենի մասնակցությունը, մինչեւ այն պահը, երբ NEWS.am–ի թղթակիցը ցույց է տվել իր նկարահանած կադրերը, որտեղ երեւում է՝ ինչպես է տնօրենը ուսուցիչների հետ նստում մեքենան։

Չնայած դպրոցի կերպարվեստի ուսուցչուհի Վարդիթեր Գրիգորյանը մայիսի 13–ին մեզ ասել էր, որ շրջկենտրոնից են Գազելը տրամադրել, վարչական ղեկավարը վստահեցրել է՝ մանկապարտեզի Գազելն է եղել, ուսուցիչները փողոցում տեսել են, կանգնեցրել և հասել Ծաղկահովիտ՝ Փաշինյանի քարոզարշավին։

Դպրոցի տնօրեն Աննա Վարդանյանը, որը հրաժարվել էր մեկնաբանություն տալ NEWS.am–ին, հարցազրույց է տվել Հանրային հեռուստաընկերության  «Լուրեր» լրատվական ծրագրին։ Նա վստահեցրել է, թե Փաշինյանի քարոզարշավին մասնակցել են միայն այն ուսուցիչները, որոնց դասերն ավարտված են եղել, իսկ իր մասնակցության մասին ոչինչ չի ասել։

Հանրային հեռուստաընկերության ռեպորտաժում տնօրենն ասում է՝ միայն տարրական դասարանների աշակերտների դասերն են շուտ ավարտել՝ դպրոցի հոսանքազրկման պատճառով, պնդում, թե ինքը չի կարող ասել՝ քանի ուսուցիչ է մասնակցել քարոզարշավին, կերպարվեստի ուսուցչուհին էլ, որը մեզ ասել էր, որ բոլոր ուսուցիչներով են եկել քարոզարշավի, «մանավանդ տնօրենը», Հանրայինին ասել է՝ չգիտի, թե ուրիշ ովքեր են եղել իրենց դպրոցից։ Ընդհանրապես, Հանրայինի ռեպորտաժն ամբողջությամբ այն կանխավարկածով էր, թե կատարվածում իրավախախտում չկա, ու թեեւ ռեպորտաժում կադրեր էին օգտագործված մայիսի 13–ի՝ NEWS.am–ի աղմկահարույց նկարահանումներից, ռեպորտաժը կառուցված էր այնպես, ասես լրագրողն այդ կադրերը չի էլ տեսել։  Ռեպորտաժը նաեւ պատմում էր այն մասին, թե Փաշինյանի օրոք ինչ փոփոխություններ են եղել դպրոցում՝ արդարացնելով ուսուցիչների արարքը, թե իբր գնացել են Փաշինյանին շնորհակալություն հայտնելու։

Փաշինյանի հրահանգով ծառայողական քննություն է սկսվել Արագածոտնի մարզի չորս դպրոցներում՝ տնօրենների կողմից հնարավոր իրավախախտումները բացահայտելու նպատակով։ Փաշինյանը, սակայն, կտրականապես հերքում է  ենթադրյալ մեղավորների շրջանակն ընդլայնելու հնաավորությունը։ Չնայած հակառակը վկայող բազմաթիվ փաստերի՝ նա բացառում է, որ տնօրեններին կարող էր հրահանգ տրվել վերին օղակներից, օրինակ, մարզպետարաններից։

Նմանատիպ նյութեր

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիան առանցքային դիրք է զբաղեցնում տարածաշրջանում. Ֆիդան

Թուրքիայի  արտաքին գործերի նախարար Հաքան Ֆիդանը հայտնել է, որ Թուրքիան առանցքային դիրք է զբաղեցնում Եվրոպան, Սևծովյան տարածաշրջանը, Հարավային Կովկասն ու Կենտրոնական Ասիան կապող հաղորդակցային ուղիներում։ Նոյեմբերի 16-ին Բրյուսելում կայացած «Միջտարածաշրջանային...

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Եվրոպան չպետք է դառնա ԱՄՆ-ի կամ Չինաստանի վասալը. Մակրոն

Ֆրանսիայի նախագահ Էմանուել Մակրոնը հայտարարել է, որ աշխարհում տիրող քաոսի պայմաններում կա երկու գերտերություններից մեկի վասալը դառնալու գայթակղություն։ Նրա խոսքով՝ Եվրոպայի նպատակը պետք է լինի բազմաբևեռ աշխարհակարգի և ռազմավարական ինքնավարության պաշտպանությունը։ Նման...

Վիճաբանություն-ծեծկռտուք՝ Պտղնիում. վիրավոր կա

Վիճաբանություն-ծեծկռտուք՝ Պտղնիում. վիրավոր կա

Նոյեմբերի 16-ին վիճաբանություն-ծեծկռտուք է տեղի ունեցել Կոտայքի մարզում։ Ժամը 01:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում տեղեկություններ են ստացվել, որ Վերին Պտղնի գյուղում գտնվող...

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

«Նուբարաշեն» ՔԿՀ-ում հայտնաբերվել են հոգեմետ դեղահաբեր․ բուժքույրը ձերբակալվել է

Քրեակատարողական ծառայության կենտրոնական մարմնի օպերատիվ վարչության «Նուբարաշեն» տարածքային բաժնում նախապես ստացվել էին տեղեկություններ այն մասին, որ «Նուբարաշեն» քրեակատարողական հիմնարկի խցերից մեկում առկա են թմրամիջոցներ և արգելված իրեր։ Այս մասին հայտնում են ՔԿԾ-ից։...

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Արմավիրում հրդեհ է բռնկվել կենցաղային տեխնիկայի վերանորոգման սրահում. կանխվել է հրդեհի տարածումը

Նոյեմբերի 17-ին՝ ժամը 00:01-ին, Արմավիրի մարզային օպերատիվ կառավարման կենտրոն ահազանգ է ստացվել, որ հրդեհ է բռնկվել Արմավիր քաղաքի Ջիվանու փողոցում գտնվող կենցաղային տեխնիկայի վերանորոգման սրահում։ Դեպքի վայր է մեկնել ՆԳՆ ՓԾ մարզային փրկարարական վարչության...