Հորմուզի նեղուցի շրջափակման պատասխանատուն ԱՄՆ-ն է. նեղուցը բաց է առևտրային նավերի համար, սակայն պահանջվում է համագործակցություն Իրանի ՌԾՈւ-ի հետ: «Press TV»-ին տված հարցազրույցում այս մասին ասել է Իրանի ԱԳ նախարար Աբբաս Արաղչին։

«Հորմուզի նեղուցն այս պահին ամենաշատն է տուժում ԱՄՆ-ի ագրեսիայի և նրանց կողմից պարտադրված շրջափակման պատճառով: Հորմուզի նեղուցը բաց է բոլոր առևտրային նավերի համար, սակայն դրանք պետք է համագործակցեն մեր ռազմածովային ուժերի հետ: Մենք ոչ մի խոչընդոտ չենք ստեղծել. հենց ԱՄՆ-ն է ստեղծել շրջափակումը և ես հույս ունեմ, որ այս իրավիճակը կավարտվի ԱՄՆ-ի կողմից պարտադրված այդ ապօրինի շրջափակման վերացմամբ» — ընդգծել է նախարարը: