Ծոցի արաբական երկրները ԱՄՆ-ից չեն խնդրել պատերազմ սկսել Իրանի դեմ, սակայն նրանցից շատերն այժմ հորդորում են կանգ չառնել և թույլ չտալ, որ Իրանը շարունակի սպառնալ Ծոցի նավթային կենսական ուղուն և դրանից կախված տնտեսություններին։ Այս մասին Reuters-ին հայտնել են Ծոցի երկրների երեք աղբյուրներ։
Միևնույն ժամանակ, այս աղբյուրները և հինգ արևմտյան ու արաբ դիվանագետներ նշել են, որ Վաշինգտոնը ճնշում է գործադրում ծոցի պետությունների վրա՝ միանալու ԱՄՆ-Իսրայելական պատերազմին։ Նրանցից երեքի փոխանցմամբ՝ նախագահ Դոնալդ Թրամփը ցանկանում է ցույց տալ տարածաշրջանային աջակցություն այս արշավին՝ ամրապնդելու դրա միջազգային լեգիտիմությունն ու նաև ներքին աջակցությունը։
«Ծոցի տարածաշրջանում տարածված է այն զգացողությունը, որ Իրանը հատել է բոլոր կարմիր գծերը Ծոցի յուրաքանչյուր երկրի հետ»,- ասել է Սաուդյան Արաբիայում գործող Ծոցի հետազոտական կենտրոնի նախագահ Աբդուլազիզ Սագերը, ով ծանոթ է կառավարության տեսակետներին։
«Սկզբում մենք պաշտպանում էինք նրանց և դեմ էինք պատերազմին, բայց հենց որ նրանք սկսեցին հարվածներ ուղղել մեր դեմ, նրանք դարձան թշնամի։ Նրանց դասակարգելու այլ ձև պարզապես չկա»,- ասել է նա։
