«Գազաբալոնների պարբերական վկայագրման գործունեությունը, ինչպես գիտեք, քաղաքացիների կյանքի, առողջությանը վերաբերող գործունեություն է, որի ոչ պատշաճ իրականացումը կարող է լուրջ հետևանքների հանգեցնել: Ուսումնասիրությունների արդյունքում մեր կողմից ակնհայտորեն արձանագրվեց, որ լիցենզավորված շատ կազմակերպություններ, տնտեսվարողներ գազաբալոնների պարբերական վկայագրում իրականացնում են ոչ պատշաճ, նույնիսկ ավելին, հաճախ, նույնիսկ առանց համապատասխան ծառայության մատուցմամբ տվյալ տրանսպորտային միջոցը մտցվում է գազաբալոնների շտեմարան, որպես հետագա շահագործման ենթակա գազաբալոն, որի հետևանքով վերջին ժամանակներս տեղի ունեցան մի քանի պայթյուններ, չնայած պայթյունների վիճակագրությունը այնպիսին է, որ ակնհայտորեն խոսում է սույն կարգավորման՝ գազաբալոնների պարբերական վկայագրման օգտին, բայց ուսումնասիրությունները ցույց էին տալիս, որ խիստ անհրաժեշտություն կա վերահսկողական լուրջ գործիքների մշակմանը»,- այս մասին մամուլի ասուլիսի ընթացքում հայտարարեց ՀՀ տարածքային կառավարման և ենթակառուցվածքների նախարարության ավտոմոբիլային տրանսպորտի քաղաքականության, լիցենզավորման և թույլտվությունների բաժնի պետ Արայիկ Ստեփանյանը։