«Ինձ ապշեցնում է մեր ժողովրդի մոտ հանդուրժողականությունը ստի նկատմամբ։ Մեկ անգամ նույնիսկ հրապարակային այդ օրինակը բերել եմ՝ գերմանացու վերաբերմունքը ստի նկատմամբ և մեր ժողովրդի վերաբերմունքը ստի նկատմամբ։ Գերմանիայում եղել է պաշտպանության նախարար, որի մասին ասում էին՝ հեսա այս մարդը փոխարինում է Մերկելին։ Լրագրողները հայտնաբերեցին իր դիսերտացիայի մեջ մի պարբերություն, պլագիատ ինչ-որ մի տեղից, մի տեղից ուղղակի արտագրած, կարող է նույնիսկ տեխնիկական սխալ էր, որ տակին այդ հղումը չէր դրել, որ այս միտքը ուրիշ տեղից է: Երբ որ սա հայտնաբերվեց, այդ մարդը ներողություն խնդրեց, հրաժարական տվեց և քաղաքական ասպարեզիզից կորավ մինչև հիմա: Ձայնը ոչ մեկը չի էլ լսում:

Երկրորդ պատմությունը նույն Գերմանիայում: Գերմանիայի նախագահ: Մի հրապարակում եղավ, որ ինչ-որ ցածր տոկոսով վարկ է վերցրել ինչ-որ մի տեղից նախագահի կինը․ արդյունքում նախագահը հրաժարական տվեց, երկու տարի դատարաններով ապացուցեց, որ այդպիսի բան չկա, ինքը ճիշտ է, բայց պաշտոնը թողեց անմիջապես, որովհետև հանրային ընդվզումը այնպիսի մեծ էր, որ իրենք չէին կարող մնալ իրենց պաշտոնում:

Հիմա համեմատիր այս ամենը մեր իրականության հետ, որ կարելի է 100 անգամ խաբել և այնուամենայնիվ ունենալ բավական մեծ զանգված, որը սիրում է, հավատարիմ է, պատրաստ է գնալ և քվեարկել այդ մարդու նկատմամբ: Սա ամենից սարսափելին է, որը կա այսօր մեր հասարակության մոտ, և նաև պատճառներից մեկը, իմ կարծիքով, սա է կենսամակարդակի մեջ՝ ինչու են գերմանացիք ավելի լավ ապրում, քան Հայաստանում։ Որովհետև Սա ձևավորում է լրջագույն պատասխանատվություն քաղաքական գործիչի մոտ սեփական ժողովրդի հետ  կոմունիկացիայի առումով»,- «Մեծ քաղաքականություն» փոդքասթի ժամանակ ասաց ՀՀ երկրորդ նախագահ Ռոբերտ Քոչարյանը։

Մանրամասն՝ տեսանյութում։

Փոդքասթն ամբողջությամբ՝ այստեղ։