«Փաստինֆո»-ի աղբյուրների փոխանցմամբ` այս օրերին աննախադեպ ճնշումներ են կիրառվում ոչ միայն Մասյացոտնի թեմի հոգեւորականների, այլ նաեւ Արաբկիրի Սուրբ Խաչ եկեղեցու քահանայաց դասի նկատմամբ: Եկեղեցու քահանաներին պարտադրվում է հանդես գալ Նիկոլ Փաշինյանի նախաձեռնած, այսպես կոչված, «բարենորոգմանը» միանալու հայտարարությամբ։
Ոմանք մտածում են ճնշումների զիջելու տարբերակի ուղղությամբ, ինչը լուրջ տարաձայնությունների տեղիք է տվել հավատացյալ ծառայողների շրջանում, ընդհուպ` եկեղեցու երգչախմբի անդամները նշել են, որ ի նշան բողոքի կդադարեցնեն իրենց գործունեությունը։
Վերջին հայտարարությունը հրապարակվել էր կառավարական առանձնատանը` հունվարի 5-ին, որին այս օրերին, մեծաթիվ ճնշումների տակ, միացել է ընդամենը շուրջ քսան հոգեւորական, թեեւ միանալու հայտարարություններին էլ հաջորդում են զղջումները:
