«Մեր ձևով» ժողովրդական շարժումը տեսանյութ է տարածել, որին կից գրել է.
«Մինչ Փաշինյանն ու նրա նախարարները զբաղված են անձնական որակավորումներ տալով, մենք զբաղված ենք աշխատանքով և մարդկանց մասին հոգ տանելով»։
«1990 թվականին գյուղում եղել է 10-ից ավելի երեխա, իսկ այսօր արդեն 50 երեխա չկա։ Գյուղից բոլորը գնացել են, շուրջ 50 տուն պակաս է, և այնտեղ այժմ ոչ ոք չի ապրում»,- այս մասին բարձրաձայնել է Աշոտավանի բնակիչը՝ «Մեր ձեւով» շարժման Սյունիք կատարած այցի ժամանակ։ Մեկ ուրիշն էլ ավելացրել է. «Մենք վառելիքի հարցում շատ սուղ պայմաններում ենք հայտնվել․ փայտ չկա, Ղարաբաղ չկա, անտառ չկա, քարածուխ չկա։ Քարածուխ հնարավոր է ձեռք բերել միայն հազվադեպ, քանի որ այն թանկարժեք է»։
«Սյունիքի հետ կապված ամբողջ Հայաստանը գիտի, թե ինչ նշանակություն ունի Սյունիքը Հայաստանի համար և ինչ է արել Սյունիքը Հայաստանի համար։ Իսկ ի՞նչ ենք անում մենք կյանքը լավացնելու համար։ Արդյոք ամեն նոր օր զարգացում ունե՞նք, թե՞ ոչ։ Մենք գտնվում ենք Սյունյաց աշխարհի լեռնահայաստանի այն հատվածում, որտեղ տնտեսական ներդրումները շատ քիչ են եղել։ Պետությունը այսքան ժամանակ մեծ ներդրումներ չի արել։ Ոչ գործարաններ, ոչ էլ լուրջ տնտեսական միավորներ Սիսիանում չեն եղել, և դա բերել է նրան, որ համայնքից շատ մարդիկ արտագաղթում են, իսկ գյուղերը դատարկվում են»,– հայտարարել է «Մեր ձևով» շարժման համակարգող Նարեկ Կարապետյանը։
