AntiCor-ի տվյալներով՝ ԴՕՍԱԱՖ-ից օրինական հիմքերով գույք ձեռք բերած բազմաթիվ քաղաքացիներ և ընկերություններ այսօր հայտնվել են քննչականի ճնշման տակ։ Գործարքները կատարվել են անկախ գնահատմամբ ու վճարված են պետությանը տարիներով չգանձված կադաստրային պարտքերը, բայց հիմա գնորդներին մեղադրում են, թե «էժան են գնել»։
Քննչական կոմիտեն սկսել է կիրառել վտանգավոր սխեմա․ գույքը ուղարկվում է «նորահայտ» փորձագիտական կենտրոններ, որոնք 1–2 օրում տալիս են կրկնապատկված գնահատում։ Դրանից հետո գնորդներին պահանջում են նույն գումարը կրկին վճարել պետությանը՝ ակնարկելով կալանավորման ռիսկը։ Շատերը վախից արդեն վճարել են հարյուրավոր միլիոններ։
Հատկապես մտահոգիչ է, որ այդ գնորդների թվում կան օտարերկրյա ներդրողներ, որոնք փորձում են արագ ազատվել գույքից ու հեռանալ Հայաստանից՝ այս ճնշումներից խուսափելու համար։ Սա լուրջ վնաս է երկրի ներդրումային միջավայրին՝ ուղարկելով վտանգավոր ազդակ․ Հայաստանում նույնիսկ օրինական գնորդը պաշտպանված չէ պետությունից։
AntiCor-ը շարունակում է ուսումնասիրությունները և կոչ է անում նման ճնշումների ենթարկված անձանց կապ հաստատել մեզ հետ՝ երաշխավորված գաղտնիությամբ։
Հետաքննության շարունակությունը՝ այստեղ:
