ԱԺ ամբիոնից ունեցած ելույթում «Հայաստան» խմբակցության պատգամավոր Գեղամ Մանուկյանը կտրուկ արձագանքեց Ռուբեն Ռուբինյանի հայտարարությանը՝ մեղադրելով նրան պատմությունը կեղծելու մեջ։
«Ռուբեն Ռուբինյանը հերթական անգամ կեղծեց հայ ժողովրդի վերջին 30-40 տարվա պատմությունը՝ հայտարարելով, թե դաշնակցությունը և այլ կուսակցություններ համատեղ հայտարարություն են արել ընդդեմ անկախության։ Եթե ցույց տա այդ հայտարարությունը, ես պատրաստ եմ փոխել իմ անունը։ Ստում է պարոն Ռուբինյանը»։
Մանուկյանը նշեց, որ 1988 թվականին նման հայտարարություն չի եղել, և հիշեցրեց՝ այն ժամանակ ավանդական երեք կուսակցությունները ընդամենը կոչ էին անում չխախտել երկրի բնականոն ընթացքը․ «1988-ի հոկտեմբերին այդ կուսակցությունները կոչ էին անում Հայաստանի իշխանություններին տեր կանգնել Արցախի ժողովրդի ինքնորոշման իրավունքի պահանջին, և հորդորում էին ժողովրդին՝ չդիմել ծայրահեղ քայլերի»։
Պատգամավորը ընդգծեց, որ 1988 թվականին անկախության շարժում դեռ գոյություն չուներ, և այն ժամանակվա շարժումը ուղղված էր Արցախի հարցի լուծմանը․ «Չկար 88-ին անկախության շարժում, դա Արցախի ինքնորոշման պայքարն էր։ Իսկ այսօր իշխանությունը փորձում է մոլորեցնել ժողովրդին՝ աղավաղելով պատմական փաստերը»։
Մանրամասն՝ տեսանյութում։
