Ռուսաստանը մտադիր է ամրապնդել համաշխարհային էներգետիկ առաջնորդի իր դիրքերը: Այս մասին հայտարարել է ՌԴ նախագահ Վլադիմիր Պուտինը՝ ելույթ ունենալով «Ռուսական էներգետիկայի շաբաթ» համաժողովի նիստում, — հայտնում են ռուսական լրատվականները։
Նրա խոսքով Ռուսաստանը նպատակ ունի զարգացնել գործընկերային հարաբերությունները գլոբալ էներգետիկայի արդար և կայուն մոդելի կառուցման համար՝ ի շահ ապագա սերունդների:
Պուտինը նաև նշել է, որ միջուկային էներգիայի արտադրություն կհայտնվի ինչպես Հեռավոր Արևելքում, այնպես էլ Սիբիրում։ «Ես կցանկանայի նշել, որ միջուկային էներգիան կարևոր դեր է խաղում սպառողների մատակարարման գործում, և այդ դերը, ինչպես կանխատեսվում է, ապագայում կտրուկ կաճի», — ասել է Պուտինը։
Ռուսաստանի նախագահը իր խոսքում նաև ընդգծել է, որ Ռուսաստանն ունի գազի եզակի պաշարներ․ «Մենք պահպանում ենք արտադրության բարձր մակարդակ, բայց մենք պետք է անընդհատ աշխատենք մեր ռեսուրսային բազայի վրա և համալրենք այն, այդ թվում՝ դժվար վերականգնվող պաշարների զարգացման միջոցով»։
