«Մամուլում լուրեր են տարածվել, որ էս մեր ՀԷՑ-ի ժամանակավոր մի տղա բոլորին հաթաթա է ցույց տալիս, որ աշխատանքային ժամից հետո հանկարծ չգան-չմասնակցեն իրենց իսկական ղեկավարին ի աջակցություն դատարանի բակում ինքնակազմակերպված այս մեր միջոցառմանը։ Քանի որ ես էլ արդեն շատ ծանոթներ եմ տեսել այստեղ մեր ՀԷՑ-ից, ես էլ ասում եմ՝ վախ չկա, ոչ մեկ չի վախենում ձեզանից․ ձեզ հույս եք տվել կամ չգիտեմ ձեզ ինչ եք արել, որ ձեզանից վախենում են։ Վախեցող չկա, չի էլ եղել, պայքարելու ենք մեր ձևով ու կրելու ենք մեր ձևվով»,- ի աջակցություն Սամվել Կարապետյանի՝ դատարանի բակում հավաքի ժամանակ հայտարարեց «Մեր ձևով» շարժման համակարգող խորհրդի անդամ Ալեքսան Ալեքսանյանը։

Հիշեցնենք․ «Փաստ» թերթը գրել էր․ «Այսօր կայանալիք բարերար, «Տաշիր» ընկերությունների խմբի ղեկավար Սամվել Կարապետյանի գործով դատական նիստից առաջ, «Հայաստանի էլեկտրական ցանցեր» ընկերությունում ստեղծվել է լարված մթնոլորտ։ Աշխատակիցները հայտնում են, որ ղեկավարությունից ստացել են հստակ հանձնարարություն՝ չներկայանալ դատարանի բակ՝ Կարապետյանին աջակցելու կամ դատական պրոցեսին հետևելու նպատակով։

Չնայած այն հանգամանքին, որ մարդկանց աշխատանքը ավարտվում է 17.30 ու նիստը հետո է ընթանում։

Ընկերության ներկայիս ղեկավարությունը աշխատակիցներին սպառնացել է աշխատանքի ազատմամբ և այլ լուրջ հետևանքներով»։

Մանրամասն՝ տեսանյութում։