Լեգենդար ամերիկյան շոկոլադագործ «See’s Candies»-ը, որն արդեն ավելի քան մեկ դար հայտնի է «Quality Without Compromise — Անզիջում որակ» կարգախոսով, իր դռներն է բացում Հայաստանում՝ ներկայացնելով Կովկասում առաջին պաշտոնական խանութը։
Խանութի բացումը տեղի ունեցավ սեպտեմբերի 20-ին՝ «Best Western Plus Congress» հյուրանոցում։
«See’s Candies» -ի պատմությունը սկիզբ է առնում դեռևս 1921 թվականին, Կալիֆորնիայի Լոս Անջելեսում, երբ Մերի Սին իր որդի Չարլզի հետ հիմնադրեց առաջին խանութը։ Մայրիկի տնական բաղադրատոմսերը դարձան այն հիմքը, որոնք «See’s»-ին բերեցին համաշխարհային ճանաչում։ Շուտով փոքրիկ ընտանեկան բիզնեսը վերածվեց ամերիկյան քաղցրավենիքի խորհրդանիշի՝ հավատարիմ մնալով ավանդույթներին և ձեռագործ որակին։
Երևանում բացված խանութը բրենդի միակ պաշտոնական ներկայացուցիչն է Հայաստանում։ Այստեղ հաճախորդները կգտնեն«See’s Candies»-ի թե՛ դասական, թե՛ նորարարական համերը, ինչպես նաև կվայելեն ամենամսյա թարմացվող հավաքածուներ՝ յուրաքանչյուր այցելությունը դարձնելով նոր փորձառություն։
Այս քայլով «See’s Candies»-ը իր քաղցր ժառանգությունը կիսում է Հայաստանի հետ՝ բերելով Երևան ոչ միայն շոկոլադի համը, այլև մի ամբողջ դարաշրջանի պատմություն ու արժեքներ։
Մանրամասները՝ տեսանյութում։
