Մենք գլխավոր դատախազին հաղորդում ենք ներկայացրել Ռոմանոդ Պետրոսյանի հայտարարության վերաբերյալ։ Այս մասին այսօր՝ սեպտեմբերի 9-ին, լրագրողների հետ զրույցում հայտարարեց կալանավորված գործարար, բարերար Սամվել Կարապետյանի պաշտպան Արամ Վարդևանյանը։
«Ռոմանոս Պետրոսյանի կողմից ներկայացվել էր մի արտահայտություն, նույնիսկ կոչ, երբ արբիտրաժի որոշումն էր հրապարակվել, առ այն որ այդ որոշման կատարման վերաբերյալ «ձև չունեք»։ Ակնհայտ է, դա «մեր ձևով» արտահատությանը «հնարամիտ» կերպով արձագանքն էր՝ ասելով ձև չունեք, որ դա կկատարվի։ Դա ֆեյսբուքյան գրառում էր։
Դրա վերաբերյալ մենք հաղորդում ներկայացրեցինք նույն գլխավոր դատախազին։ Անկեղծորեն, ինձ մոտ կար ակնկալիք, որ այնպես, ինչպես Սամվել Կարապետյանի «մեր ձևով կմասնակցենք եկեղեցու պաշտպանությանը» հայտարարության դեպքում էր, գրություն կհասցեագրվեր քննչական կոմիտեի նախագահին։ Մեր պատկերացմամբ դա գրություն է, բայց, հիշեցման կարգով, ըստ քննչականի դա պատշաճ հաղորդում է։ Բայց ի՞նչ եղավ։
Էդ «ձև չունեք» արտահայտության հետ կապված, գլխավոր դատախազության ստորաբաժանումներից մեկի վարչության պետի տեղակալը հասցեագրեց գրություն ինձ, որով հայտնեց, որ իրենք նույնիսկ քննչական մարմին դա չեն ուղարկել։ Հիմա ինձ կասեք, օրինակ, ի՞նչն ա տարբերությունը»,- ասաց նա։
Մանրամասն՝ տեսանյութում։
