«Pan-Armenian Race 2025» ավտոսպորտային մրցաշարն անցկացվեց օգոստոսի 1-3-ը Երևանում՝ PlayCity կարտոդրոմում։ Մրցաշարը կազմակերպել էր Noor Racing թիմը՝ Shell-ի և PlayCity-ի աջակցությամբ և մեկտեղել աշխարհի տարբեր ծայրերից ժամանած ավելի քան 100 առաջատար հայ մրցարշավորդներին։
Միջոցառումն անցկացվել է երեք օր՝ ներառելով որակավորման փուլեր, խմբային մրցավազք և եզրափակիչ մրցավազք։ Օգոստոսի 1-ին և 2-ին տեղի են ունեցել որակավորման փուլերն ու երեք հիթային մրցավազք, որոնց արդյունքում ընտրվեց 12 լավագույն մասնակիցներից կազմված եզրափակիչ ցուցակը։
Օգոստոսի 3-ին տեղի ունեցած եզրափակչում ընտրված 12 պիլոտները մասնակցեցին 75 րոպե տևողությամբ մրցավազքին՝ կարտերի փոխմամբ և պիտ-ստոպերով։ Այդ ընթացքում հաշվի են առնվել նաև խախտումներն ու պենալտիները, որոնց հիման վրա էլ կազմվել է վերջնական դասակարգման աղյուսակը։
Մրցաշարի արդյունքներով ընտրվեցին 5 լավագույն պիլոտները, իսկ առաջին երեք տեղերը զբաղեցրին Ալեքս Սարգսյանը, Գոռ Խարատյանը (Խառատյան), Դավիթ Հովհաննիսյանը՝ ստանալով Հայաստանի Հանրապետության չեմպիոնի կոչում։
Հաղթող հնգյակը պատվով ներկայացնելու է Հայաստանը Դուբայի միջազգային 24-ժամյա մրցավազքում, որն անցկացվելու է 2025 թվականի դեկտեմբերի 14-ին։ Մեր թիմը հանդես կգա պրոֆեսիոնալ մակարդակով՝ ներառյալ տեխնիկական սպասարկման և ռազմավարական պլանավորման թիմը, որը կկառավարի պիլոտների հերթափոխը մրցավազքի ընթացքում։ Թիմի նպատակը ոչ միայն 2023 թ․-ի բրոնզե մեդալը կրկնելն է, այլև ավելի բարձր տեղ զբաղեցնելը։
Միջոցառումն ուղեկցվել է համերգային ծրագրով, հայտնի բլոգերների մասնակցությամբ և եզրափակվել է տպավորիչ after-party-ով։
Մանրամասն՝ տեսանյութում։
