Ռուսաստանի լավագույն լիգայի АСА միջազգային մրցաշարում Lionheart ակումբի մարտիկները նախօրեին վառ հաղթանակից հետո ինչպես ուղիղ եթերում, այնպես էլ մենամարտերի ավարտից հետո իրենց անկեղծ զորակցության խոսքերն են հայտնել գործարար, «Տաշիր» ընկերությունների խմբի սեփականատեր և բարերար Սամվել Կարապետյանին:
«Կուզենայի մի երկու խոսք ասել Սամվել Կարապետյանի մասին, ով պաշտպանում է իր ժողովրդի հոգևոր արժեքները։ Այժմ նրա ազատությունը սահմանափակ է, բայց ոգին կոտրված չէ։ Ռինգում ես պայքարում եմ հաղթանակի համար, իսկ ռինգից այն կողմ պայքարում եմ մեր ժողովրդի պատվի համար։ Ազատություն նրանց, ովքեր կանգնած են իրենց հավատքի և իրենց հայրենիքի համար: Ազատություն Սամվել Կարապետյանին»,- ասել է մարտիկներից մեկը՝ հնչեցնելով #մեր_ձևով ((#merdzevov)) հեշթեգը, որը գրված է մարզիկների մարզաշապիկների վրա։
