Մինչև հոգու խորքը նվիրված է «Խաղաղության խաչմերուկի» գաղափարին․ «Փաստ»

24 Հունիսի, 2025

«Փաստ» օրաթերթը գրում է.

Նիկոլ Փաշինյանի՝ Թուրքիա մեկնելու և այդ երկրի նախագահ Ռեջեփ Թայիփ Էրդողանի հետ հանդիպման հետ կապված՝ այս օրերին տարբեր տեղեկություններ են շրջանառվում թե՛ լրատվամիջոցներում, թե՛ սոցցանցերում: Դրանցից մեկը վերաբերում է նրան, որ Նիկոլ Փաշինյանը դիմել է Էրդողանին՝ ակնկալելով վերջինիս միջնորդությունը՝ հնարավորինս արագ Ադրբեջանի հետ կնքել «խաղաղության պայմանագիրը»:

Նա նշել է, որ ինքը փաստորեն ամեն ինչ անում է դրա համար, մինչև հոգու խորքը նվիրված է «Խաղաղության խաչմերուկի» գաղափարին, պատրաստ է տարբեր զիջումների, դրա պատճառով լուրջ դժգոհություններ են հասունանում երկրի ներսում, ինքը դրանով ընդդիմության «բերանը լեզու է դնում», սակայն Ադրբեջանը շարունակում է նորանոր պահանջներ առաջ քաշել:

Այս տեղեկությունը ուշագրավ է նրանով, որ, տարբեր աղբյուրների փոխանցմամբ, Էրդողանն ու Ալիևը ոչ մեկ անգամ Նիկոլ Փաշինյանին հասկացրել են, որ վստահություն չունեն այն առումով, թե նա քաղաքական ապագա ունի, առավել ևս, որ 2026 թվականին կարողանալու է մնալ իշխանության: Նշել են, որ, իրենց տեղեկություններով, հիմա էլ երկրում հանգիստ չէ, իսկ առաջիկայում սպասվում են նոր ակցիաներ, ու կասկածում են, թե Փաշինյանը ի վիճակի է վերահսկել դրությունը: Ավելին, Փաշինյանին հասկացնում են, որ նա պետք է երաշխիքներ տա, որ ինքն ի վիճակի է վերընտրվել, մնալ իշխանության, հակառալ դեպքում որևէ փաստաթուղթ ստորագրելը կարող է անիմաստ լինել: Մեր աղբյուրների փոխանցմամբ, հենց դրանով է պայմանավորված այն հանգամանքը, որ հենց Թուրքիա կատարած այցի օրը, Էրդողանին հանդիպելուց առաջ Փաշինյանի հրահանգով իրավապահները բերման ենթարկելու ցուցադրական լայնածավալ «օպերացիա» էին իրականացնում ընդդիմադիր տարբեր ուժերի, այդ թվում՝ «Սրբազան պայքարի» ներկայացուցիչների շրջանում, որպեսզի Էրդողանին ցույց տա՝ ինքը տիրապետում է իրավիճակին:

Մանրամասները՝ «Փաստ» օրաթերթի այսօրվա համարում

Նմանատիպ նյութեր

Ավտովթար՝ Կոտայքի մարզում. մեկ տուժած կա

Ավտովթար՝ Կոտայքի մարզում. մեկ տուժած կա

Այսօր՝ նոյեմբերի 17-ին, ավտովթար է տեղի ունեցել Կոտայքի մարզում։ Ժամը 10։00-ի սահմաններում Երևան-Սևան-Իջևան ավտոճանապարհի 43-րդ կմ հատվածում բախվել են «Ford Transit» և «ԶԻԼ» մակնիշի բեռնատարները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով մեկ...

Ջեյմս Քեմերոնի հետ հանդիպումը չի կայանա

Ջեյմս Քեմերոնի հետ հանդիպումը չի կայանա

Mezzo Production-ը տեղեկացրել է, որ նոյեմբերի 23-ին Կարեն Դեմիրճյանի անվան մարզահամերգային համալիրում ռեժիսոր, սցենարիստ եւ պրոդյուսեր Ջեյմս Քեմերոնի հետ հանդիպումը եւ դրան հաջորդող համերգը չեն կայանա։ «Հասկանում ենք, թե որքան սպասված էր այս երեկոն, եւ անկեղծորեն...

Այնտեղ, որտեղ հայտնվել է ՆԱՏՕ-ն, երբեք ոչ մի լավ բան տեղի չի ունեցել.  Սերգեյ Լավրով

Այնտեղ, որտեղ հայտնվել է ՆԱՏՕ-ն, երբեք ոչ մի լավ բան տեղի չի ունեցել. Սերգեյ Լավրով

Ռուսաստանի արտգործնախարար Սերգեյ Լավրովը հայտարարել է, որ ՆԱՏՕ-ի հարևանությամբ գտնվող երկրները խոր ճգնաժամերի մեջ են հայտնվել դաշինքի՝ իրենց ներքին գործերին միջամտելուց հետո։ «Ամենուր, որտեղ ՆԱՏՕ-ն գործել է անդամ երկրներից դուրս, իրականացվել են ռազմական, բավական...

Արամ Վարդևանյանը ընդունել է Հայաստանում Հնդկաստանի արտակարգ և լիազոր դեսպանին

Արամ Վարդևանյանը ընդունել է Հայաստանում Հնդկաստանի արտակարգ և լիազոր դեսպանին

ԱԺ նախագահի տեղակալ Արամ Վարդևանյանը նոյեմբերի 17-ին ընդունել է Հայաստանում Հնդկաստանի արտակարգ և լիազոր դեսպան Թ. Արմսթրոնգ Չանգսանին։ Այս մասին հայտնում են ՀՀ ԱԺ-ից: Հանդիպմանը մասնակցել է ՀՀ ԱԺ Հայաստան-Հնդկաստան բարեկամական խմբի անդամ Արեգա Հովսեփյանը։ Ողջունելով...