«Ռուսաստանը շարունակում է Հայաստանը դիտարկել որպես եղբայրական երկիր ու դաշնակից, որի հետ սերտորեն համագործակցում է, պատրաստ է առաջիկայում էլ խորացնել հարաբերությունները, այդ թվում՝ ԵԱՏՄ ընդհանուր ինտեգրման համատեքստում»,- լրագրողների հետ ճեպազրույցում ասաց Հաղթանակի օրվա առթիվ Հաղթանակ զբոսայգի այցելած ՌԴ դեսպան Սերգեյ Կոպիրկինը։
Հարցին՝ վերջին տարիների իրադարձությունները չե՞ն փչացրել երկու երկրների հարաբերությունները, դեսպան Կոպիրկինն ասաց․ «Կարևորն այն է, որ երկու կողմից էլ լինի քաղաքական կամք, ցանկություն պահպանելու այն ամուր, խորը հիմքերը, որոնք կան և առաջ շարժվել՝ երկու երկրների ինքնիշխանության, հետաքրքրությունների նկատմամբ փոխադարձ հարգանքով»։
Դեսպանը այլ հարցերի չպատասխանեց։
Մանրամասն տեսանյութում
