16 մարդ է զոհվել ԱՄՆ-ի մի քանի նահանգների պատուհասած փոթորիկների և տորնադոների հետևանքով, տասնյակ վիրավորներ կան, հաղորդել է NBC News-ը։
Նշվում է, որ Արկանզաս, Իլինոյս, Ինդիանա, Կենտուկի, Միսիսիպի, Միսսուրի և Տեխաս նահանգներում մոլեգնած փոթորիկն ու տորնադոն սպառնալիք է ներկայացնում մոտավորապես 138 միլիոն մարդու համար։
Բացի այդ, ուժգին փոթորիկը հանգեցրել է անտառային հրդեհների տարածմանը, վերը նշված տարածքներում հրդեհի արդեն իսկ 100 օջախ է հայտնաբերվել։
Տարերային աղետի հետևանքով ավերվել են շենք-շինություններ, գրանցվել են էլեկտրամատակարարման խափանումներ։ Էլեկտրականությունից զրկված է 300 000 սպառող։
