5 սարսափելի վթար և 15 զոհ՝ մեկ շաբաթում․ Հայաստանի ճանապարհներին քաոս է

4 Նոյեմբերի, 2026

Երեկ՝ նոյեմբերի 3-ին, հերթական ողբերգական ավտովթարն է տեղի ունեցել, Արագածոտնի մարզում։  Ապարան-Աշտարակ ավտոճանապարհին՝ Օհանավան բնակավայրի մոտակայքում, բախվել են չորս ավտոմեքենա։ Վթարի հետևանքով զոհվել է 9 մարդ, ևս 3-ը ստացել են մարմնական վնասվածքներ և տեղափոխվել բժշկական կենտրոն։ Զոհվածներից երեքը մեկ ընտանիքի անդամ են՝ ամուսինները և 18-ամյա որդին, զոհվել է նաև նոր նշանված զույգ։

Վերջին մեկ շաբաթվա կտրվածքով նման վթարների հաճախականությունը մտահոգության առիթ է տալիս։

Օրեր առաջ՝ հոկտեմբերի 24-ին, Երևան-Գյումրի ավտոճանապարհի 34-րդ կմ հատվածում բախվել էին «Opel» մակնիշի ավտոմեքենան և «ՄԱԶ» բեռնատարը։ Վթարի հետևանքով երկու մարդ մահացել էր, ամուսիններ էին, ևս հինգը տեղափոխվել հիվանդանոց։ Վիրավորներից չորսը երեխաներ էին, որոնցից երեքը՝ մահացած ամուսինների 7, 10 և 13 տարեկան երեխաները։ Ավելի ուշ երեխաներից մեկը նույնպես մահացավ հիվանդանոցում։

Հաջորդ օրը՝ Հոկտեմբերի 25-ին Արմավիրի մարզում՝ Արմավիր-Երևան ավտոճանապարհին, բախվել էին «Toyota Ipsum» և «Ford Mustang» մակնիշի ավտոմեքենաները։ Վթարի հետևանքով մահացել էր «Toyota Ipsum»-ի 41-ամյա ուղևորը, մի քանի մարդ տեղափոխվել էր հիվանդանոց։

Նույն օրը ողբերգական ավտովթար էր գրանցվել նաև Երևանում՝ Հալաբյան-Էստոնական փողոցների խաչմերուկում։ Բախվել էին «BYD» և «Kia» մակնիշի ավտոմեքենաները։ Չորս մարդ տեղափոխվել էր հիվանդանոց․ նրանցից 46-ամյա Մարիաննա Ա.-ն ավելի ուշ մահացել էր։

Հոկտեմբերի 31-ին ևս ողբերգական վթար էր տեղի ունեցել, Վանաձորում։ Տերյան և Զորյան փողոցների խաչմերուկում բախվել էին շտապօգնության ավտոմեքենան և «Կամազ» մակնիշի բեռնատարը։ Շտապօգնության մեքենայով տեղափոխվող 85-ամյա բուժառուն մահացել էր, իսկ բուժքույրը՝ տեղափոխվել հիվանդանոց։

Մինչ իշխանությունները խոսում են անվտանգ ու խաղաղ երկրի մասին, ճանապարհներին շարունակվում են մարդկային կյանքեր խլել ողբերգական վթարները, թեև ներքին գործերի նախարարության պաշտոնյաները պարբերաբար ասում են, որ թվային նվազում կա։

Իսկ հասարակության համար մնում է հարցը՝ ո՞վ և ե՞րբ է պատասխան տալու ճանապարհային անվտանգության համակարգային խնդիրների համար, և արդյոք իշխանությունների օրակարգում մարդկային կյանքերի պաշտպանությունը միայն հայտարարությունների մակարդակում չէ։

Նմանատիպ նյութեր

Դադարեցրե՛ք ՔՊ-ին քննադատողների նկատմամբ հետապնդումները, ազատե՛ք քաղբանտարկյալներին․ Արթուր Խաչատրյան

«Հայաստան» խմբակցության քարտուղար Արթուր Խաչատրյանը ներկայացրել է Ազգային ժողովի հայտարարության նախագիծ՝ Հայաստանում քաղաքական հետապնդումների ենթարկվող անձանց իրավունքների պաշտպանության և նրանց իրավական երաշխիքների...

Քոչարյանը մեզ համար պայքարից չնահանջելու օրինակ է․ Հայկ Աթոյան

Քաղաքական հետապնդումները Հայաստանում սկսվել են դեռևս 2018 թվականի հուլիսի 27-ից, երբ կալանավորվեց ՀՀ երկրորդ նախագահ Ռոբերտ Քոչարյանը։ Այս մասին հայտարարել է «Հայաստան» դաշինքի անդամ Հայկ Աթոյանը։ Նրա խոսքով՝ այն ժամանակ...

Ձեզ բոլորիդ համախմբում է մեկ ընդհանուր հանցագործություն․ դուք պետական հանցագործություն եք կատարում․ Եգանյանը՝ իշխանությանը 

«Նիկոլ Փաշինյանը, գալով իշխանության գլուխ, առաջինը թիրախավորեց Հայոց եկեղեցին։ Բայց տեսնում ենք՝ ուր է դա նրան տանում։ Ոչ մի լավ տեղ չի տանում։ Նիկոլ Փաշինյանը եկավ դագաղներով․ իրենք դագաղներն էին պարեցնում։ Եվ ես չեմ կարող մոռանալ մի շատ...

Օդի ջերմաստիճանը կնվազի 3-5 աստիճանով

Օդի ջերմաստիճանը կնվազի 3-5 աստիճանով

Երևանում նոյեմբերի 16-ի ցերեկը, 17-ի գիշերը, 19-21-ին սպասվում է կարճատև անձրև։ Նոյեմբերի 17-ի ցերեկը և 18-ին սպասվում է առանց տեղումների եղանակ։ Հանրապետության տարածքում նոյելբերի 16-ի ցերեկը, 17-ի գիշերը,18-ի և 19-ի ցերեկը, 20-21-ին ժամանակ առ ժամանակ առանձին...

Արևմուտքի ուշադրությունը պետք է մշտապես պահել Հայաստանի իրադարձությունների վրա․ Տիգրան Քոչարյան

«Շատերն ասում են՝ տեսե՛ք, Նիկոլ Փաշինյանի թիկունքին կանգնած է հավաքական Արևմուտքը և աչք է փակում այն ամենի վրա, ինչի դեպքում նախկինում աչք չէր փակում։ Այստեղ նույնպես լուծումներ կան։ Հավաքական Արևմուտքի ուշադրությունը պետք է անընդհատ...