03 04 2020

Քարերը հավաքելու ժամանակը. ինչ է անելու մարզպետն այս անգամ․ «Հրապարակ»

Քարերը հավաքելու ժամանակը. ինչ է անելու մարզպետն այս անգամ․ «Հրապարակ»

«Հրապարակ» թերթը գրում է. «Հեղափոխությունից հետո մարզպետներն արշավ էին սկսել համայնքապետերի եւ դպրոցի տնօրենների դեմ, ամեն գնով ուզում էին ազատվել նախկիններից եւ իրենց մարդկանց նշանակել:

Եվ չնայած ոմանց հաջողվեց գործազուրկ դարձնել, բայց պարզվում է, մյուսները չեն հանձնվել եւ դատական կարգով վիճարկել են կատարված «ապօրինությունները»: Տեղեկացանք, որ Ստեփանավանի թիվ 3 դպրոցի նախկին տնօրեն Նառա Մկրտչյանը շուրջ մեկ տարվա պայքարից հետո շահել է դատը՝ անվավեր է ճանաչվել մարզպետ Անդրեյ Ղուկասյանի՝ աշխատանքային պայմանագիրը լուծարելու որոշումը:

Ավելին, մարզպետարանից հօգուտ Ն․ Մկրտչյանի կբռնագանձվի հարկադիր պարապուրդի ողջ ժամանակահատվածի աշխատավարձը: Նա 2013-ից եղել է դպրոցի տնօրեն, 2019-ի մայիսին մարզպետի հրամանով ազատվել է: Ուշագրավ է, որ ազատվելուց հետո 2 անգամ մասնակցել է տնօրենի պաշտոնի համար մրցույթին, 2 անգամ էլ հաղթել, ու 2 օր անց մարզպետը կրկին ազատել է: Հետաքրքիր է՝ ի՞նչ է անելու հիմա, երբ դատարանն է որոշում կայացրել»:

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ