29 02 2020

«Փուռն է տալիս բոլորիս»․ վարչապետին դժգոհել են Վիճկոմի նախագահից․ «Փաստ»

«Փուռն է տալիս բոլորիս»․ վարչապետին դժգոհել են Վիճկոմի նախագահից․ «Փաստ»

«Փաստ» թերթը գրում է. «Փաստ» թերթի տեղեկություններով, օրերս կառավարության տնտեսական բլոկի ներկայացուցիչները վարչապետ Նիկոլ Փաշինյանի մոտ դժգոհել են վիճակագրական կոմիտեի նախագահ Ստեփան Մնացականյանի կողմից ներկայացված թվերից՝ պնդելով, թե նա «փուռն է տալիս բոլորիս»։ 

Նրանք նշել են, որ Մնացականյանի ներկայացրած թվերը թեկուզ շատ լավն են, ինչպես ասում են, «ներկայանալի» են, սակայն հաշվարկներն ու մեթոդաբանությունը թույլ են, ինչի արդյունքում ներկայացված թվերի՝ իրականության հետ աղերս չունենալը պարզապես ակնառու է դառնում նույնիսկ ոչ տնտեսագետների համար:

Արդյունքում իշխանության ողջ թիմը կանգնում է փաստի առաջ՝ դառնալով փաստարկված քննադատության առարկա։ 

Սակայն, մեր աղբյուրի փոխանցմամբ, Փաշինյանն ասել է, որ Մնացականյանի հետ ոչ մի խնդիր չկա, նա իր գործի պրոֆեսիոնալն է, իսկ ներկայացրած տվյալները քննարկման ենթակա չեն»:

Նյութն ամբողջությամբ՝ «Փաստ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ