29  01  2020

Արցախում ընտրությունների երկրորդ փուլ կլինի. «Հրապարակ»

Արցախում ընտրությունների երկրորդ փուլ կլինի. «Հրապարակ»

«Հրապարակ» թերթը գրում է. «Պարոն Իշխանյան, առաջիկայում մեկնելո՞ւ եք Մոսկվա, որպես Արցախի նախագահի թեկնածու՝ հարցրինք ՀՅԴ-ի ԱՀ նախագահի թեկնածու Դավիթ Իշխանյանին։ «Առաջարկը եղել է այնտեղի մեր կառույցի կողմից, բայց դեռ որոշում չունեմ»:

Իսկ ինչպե՞ս եք գնահատում Ձեր շանսերը նախագահական ընտրություններում։ «Հաղթանակի ակնկալիքով եմ պայքարի մեջ մտել»: Ո՞ւմ եք այդ ընտրություններում ֆավորիտ համարում, տեսակետ կա, որ Արայիկ Հարությունյանը «հաղթողական» է։ «Ես չեմ առաջնորդվում սոցցանցերով, սոցիալական մեդիան ունի իր դերակատարությունը, սակայն ռեալպոլիտիկը բոլորովին այլ է»:

Եվ ի՞նչ է ասում ռեալպոլիտիկը․ խաղի մեջ Ձեր մտնելուց հետո սկսեցին խոսել ընտրությունների երկրորդ փուլի մասին, ինչո՞ւ։ «Թեկնածուների ցանկն այնքան մեծ է` գումարած ընտրությունների սպեցիֆիկան, այդ պատճառով»:

Ասում են, թե բոլոր թեկնածուների միջեւ պայքար է` ՀՀ իշխանությունների սիրելին դառնալու համար․ Դուք Հայաստանի իշխանությունների սիրելիների՞ց եք։ «Կարծում եմ` բոլորը պետք է Հայաստանի իշխանությունների սիրելին լինեն, որովհետեւ նույն ժողովրդի երկու պետությունների զավակներն ենք»:

Ի դեպ, եթե նախագահական ընտրությունները կրկին դիտելու գան «Թրանսփերենսի ինթերնեյշնլը» եւ «Իրազեկ քաղաքացիները», ինչպե՞ս կվերաբերվեք դրան։ «ՏԻՄ կամ համապետական ցանկացած ընտրության ժամանակ մեզանում տարբեր կառույցների դիտորդներ են մշտապես եղել, եւ անցած ՏԻՄ ընտրություններին այդ երկու կազմակերպությունների ներկայությունը զարմանալի չէր, տարակուսելին ու զարմանալին այն էր, որ տեղեկատվական դաշտում շատ յուրահատուկ վերաբերմունքի արժանացած կառույցներ էին։ Բոլոր դեպքերում` մենք բաց ենք բոլորի համար»:

Նյութն ամբողջությամբ՝ «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ