13 12 2019

Լավատեսությունը պակասել է․ IRI-ի սոցհարցում․ «Հրապարակ»

Լավատեսությունը պակասել է․ IRI-ի սոցհարցում․ «Հրապարակ»

«Հրապարակ»-ը գրում է․ «Ամերիկյան միջազգային հանրապետական ինստիտուտի (IRI) կատարած սոցիոլոգիական հարցումների հայաստանյան գործընկերը սոցիոլոգ Գեւորգ Պողոսյանն է, ով կհրապարակի այդ կասկածելի հարցումների արդյունքները։ Իսկ այլ սոցիոլոգներ արդեն համեմատական են անցկացնում IRI-ի այսօր եւ նախորդ տարի հրապարակած թվերի ու արդյունքների միջեւ։

«Այսպես` կառավարության մեծագույն ձեռքբերումը, այն է` պայքար կոռուպցիայի դեմ հարցմանը դրական պատասխան են տվել. անցյալ հոկտեմբերին` 37, այս տարի՝ 30 տոկոս հարցվողները: Ի՞նչ է փոխվել երկրում ժողովրդավարության մասով․ անցյալ տարի դրական է արձագանքել 20, այս տարի՝ 13 տոկոսը: Հավատո՞ւմ եք, որ երկրում ամեն ինչ շատ լավ է լինելու․ անցյալ տարի` 44, այս տարի՝ 28: Անցած տարի պետական ինստիտուտներից վստահության ամենաբարձր վարկանիշն ուներ վարչապետը` 85 տոկոս, այս տարի նա երրորդն է՝ 76 տոկոս: Անցյալ տարի երկրորդ տեղում բանակն էր` 81 տոկոս, այս տարի առաջին տեղում է` 91 տոկոս: Անցյալ տարի երրորդ տեղում էր նախագահի ինստիտուտը` 78 տոկոս, այս տարի նախագահն առաջ է եկել վարչապետից՝ 81 տոկոս: Աճել է եկեղեցու վարկանիշը. անցյալ տարի՝ 60, այս տարի` 74:  Կուսակցությունների վարկանիշը. «Իմ քայլը» - անցյալ տարի՝ 60, այս տարի` 55, ԲՀԿ-ն - անցյալ տարի՝ 10, այս տարի՝ 19, ԼՀԿ-ն - անցյալ տարի՝ 9, այս տարի՝ 6, ՀՀԿ-ն - անցյալ տարի՝ 2, այս տարի՝ 4, ՀՅԴ-ն - անցյալ տարի՝ 2, այս տարի՝ 3։ «Սասնա ծռերն» անցյալ տարի առաջատարների մեջ էր, այս տարի՝ 1 տոկոսից պակաս»,- ասացին մեզ»։

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ