13  06  2019

«Պասլա´տ անեիր քաղաքացուն». նախարարը` տեսչական մարմնի ղեկավարին․ «Հրապարակ»

«Պասլա´տ անեիր քաղաքացուն». նախարարը` տեսչական մարմնի ղեկավարին․ «Հրապարակ»

«Հրապարակ»-ը գրել է, որ հունիսի 11-ին՝ Առողջապահական խորhրդի նիստին, որի նախագահը նախարար Արսեն Թորոսյանն է, բանավեճ է տեղի ունեցել Արսեն Թորոսյանի և Առողջապահական և աշխատանքի տեսչական մարմնի ղեկավար Էդգար Խուրշուդյանի միջև։ 

Ըստ թերթի՝ Թորոսյանը վրդովված է եղել, թե ինչու է տեսչական մարմնի ղեկավարը տուգանել իր նախկին խորհրդական Վահե Տեր-Մինասյանին, իսկ երբ Էդգար Խուրշուդյանն ասել է, որ այլ բան չէր կարող անել՝ կար քաղաքացու ահազանգ, նախարարը բղավել է՝ «պասլա՛տ անեիր» այդ քաղաքացուն։ Խոսքն այն մասին է, որ Վահե Տեր-Մինասյանը գարդասիլի պատվաստանյութի գովազդ է արել եթերում։ «Հրապարակ»-ի հարցին՝ Արսեն Թորոսյանն ասել է Ձեզ «պասլատ անեիր քաղաքացուն», եղե՞լ է նման բան, Էդգար Խուրշուդյանը պատասխանել է. «Այն, ինչ խոսվել է խորհրդի նիստին, մենք մոտակա օրերս մեր ֆեյսբուքյան էջում դնելու ենք խորհրդի նիստի ամբողջական արձանագրությունը։ Դրանում կետերով նշված կլինի, թե ինչ է ասվել ու քննարկվել, և Ձեր՝ մի քիչ կոպիտ ձևակերպված․․․ հա․․․ ամեն դեպքում, բոլոր հարցերը, որոնք քննարկվել են նիստի ընթացքում, դրանք ամրագրելու ենք արձանագրության մեջ։ 

Թերթի հարցին՝ այսինքն՝ «պասլատ»-ի մասը չե՞ք հերքում, Տեսչական մարմնի ղեկավարն արձագանքել է. «Այսպես ասեմ՝ այդ գաղափարը պետական մարմնի ղեկավարի մակարդակով հարիր էլ չէ որևէ մեկնաբանություն տալ»։

Նյութն ամբողջությամբ կարդացեք «Հրապարակ»-ում։

   

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ