Քաղաքացու հարկային բեռը կբարձրանա, եկամուտները կնվազեն․ «Ժամանակ»

«Ժամանակ»-ը գրում է․ «Հայաստանի ֆինանսների նախարարությունը ներկա­յացրել է Հարկային օրենսգրքում լայնածավալ փոփոխու­թյուններ կատարելու մասին օրենքի նախագիծ, որը, ինչ­պես միշտ, հիմնավորվում է «բարելավել գործարար և ներդրումային միջավայրը, բարենպաստ պայմաններ ստեղծել միկրոձեռնարկատիրության զարգացման հա­մար, բարձրացնել ազգային տնտեսության մրցունակու­թյունը, նպաստել արտահան­մանը կողմնորոշված ար­տադրությունների զարգաց­մանը, տնտեսական աճի հա­մար ապահովել կայուն նա­խադրյալներ» բառակապակցություններով: Մինչդեռ իրականությունն այն է, որ այդ փոփոխություններով ավելի է բարձրանում շարքային քաղաքացիների հարկային բեռը և նվազում մարդկանց եկա­մուտները: 

Միայն մեկ օրինակ՝ 2019թ. հուլիսի 1-ից նա­խատեսվում է սեղմված գազի ակցիզային հարկը գործող 25 հազարի փոխարեն դարձնել 34 հազար դրամ, ինչը նշա­նակում է, որ գազի գինը մե­քենաների համար կավելանա խորանարդի համար ևս 10 դրամով: Թե ինչով սա պետք է նպաստի ազգային տնտեսու­թյան մրցունակության բարձ­րացմանը կամ մյուս հռչակ­ված նպատակների իրա­գործմանը՝ կիմանան միայն նոր Հայաստանի իշխանու­թյունները: Ի դեպ, երբ Կարեն Կարապետյանի կառավարու­թյունը 2018թ. հունվարից բարձրացնում էր սեղմված գազի ակցիզային հարկը, հին Հայաստանի ընդդիմության ներկայացուցիչ Նիկոլ Փաշինյանը դրա կտրուկ հակառա­կորդներից էր և նույնիսկ այդ խնդրի վերաբերյալ հանրահավաքներ էր հրավիրում»։

Նյութն ամբողջությամբ կարդացեք «Ժամանակ»-ում։