Ավիափոխադրումն աննախանձելի վիճակում է, իսկ թիվ մեկ պատասխանատուն քայլ անգամ չի անում․ «Ժողովուրդ»

«Ժողովուրդ» օրաթերթը գրում է. «Հայաստանում ավիափոխադրումն աննախանձելի վիճակում է: Արդեն մի քանի տարի է՝ Հայաստանը չունի ազգային ավիափոխադրող: Ու հիմա հայկական երկինքը տնօրինում են հիմնականում ռուսական ավիաընկերությունները:

«Ժողովուրդ» օրաթերթը պարզեց, որ վերջերս այստեղ գործունեություն է ծավալում վրացական «Ջորջիան Էյրլայնս» ընկերությունը, որի ներկայացուցիչը ՀՀ-ում համարվում է «Արմենիա» ավիաընկերությունը: Միայն թե սա էլ ընդամենը մեկ ինքնաթիռ ունի, և հաճախ նրանց օգնության են հասնում հենց «Ջորջիան Էյրլայնս»-ի ինքնաթիռները՝ վրացական դրոշով։

Նկատնեք, որ այս ոլորտը ՀՀ փոխվարչապետներից Տիգրան Ավինյանն է համակարգում, բայց արի ու տես, որ նա քայլ անգամ չի անում այդ ուղղությամբ. արդեն տևական ժամանակ է` ժամանակ չի գտնում հանդիպել ոչ միայն ավիացիոն ոլորտի մասնագետների, տուրընկերությունների, այլև ավիաընկերությունների ներկայացուցիչների հետ՝ քննարկելու ստեղծված իրավիճակը: Էլ չենք ասում Քաղավիացիայի գլխավոր վարչության պետ Տաթևիկ Ռևազյանի մասին, որը, ասում են, չի տիրապետում ոլորտին»:

Նյութն ամբողջությամբ կարդացեք «Ժողովուրդ» օրաթերթում։