Ի՞նչ նոր ռեսուրսներով է զինվում ՀՀ-ն կորոնավիրուսի դեմ. Yerevan․Today-ն առանձնացրել է նոր զինանոցը

Առողջապահության նախարար Արսեն Թորոսյանը, ով մինչև երեկ ազգաբնակչությանը կոչ էր անում կորոնավիրուսից չսարսափել, այսօր, արդեն, հաստատված նոր վարակակիրների դեպքերց հետո, լրիվ նոր իրավիճակում, անուղղակիորեն խոստովանել է, որ կառավարությունը փոխել է իր մոտեցումն ու  օրակարգը՝ ընդհուպ քաղաքական միջոցառումների կազմակերպման տեսանկունից:

 Նախարարի խոսքով՝ այսօր՝ մինչև աշխատանքային օրվա ավարտը, չի բացառվում, որ չեղարկվի հանրաքվեի քարոզարշավի հանդիպումների   համար նախանծված չվացուցակը և արգելվի ցանկացած տիպի մասսայական միջոցառում առհասարակ: Բացի այդ՝ քննարկվում է նաև  կրթական հաստատություններում ժամանակավորապես  դասապրոցեսը դադարեցնելու անհրաժեշտությունը:

 Հիշեցնենք, բանակում կարանտինային սահմականափակումների ռեժիմն ուժի մեջ է արդեն երկու շաբաթ: Ինչ վերաբերում է  կորոնավիրուսի տարածման դեմ պայքարի մեր  նոր միջոցառումների ծրագրին, ապա ընդգծենք, որ  հավելյալ ռեսուրսների ներգրավմանն է դիմել առողջապահության նախարարությունը, որպեսզի կարողանա լրջորեն ամրացնել երկրի դիմադրողականությունը:

 Yereav․Today-ը նախարարի այսօրվա բրիֆինգից առանձնացրել է նոր ռեսուրսների ներգրավման թերևս ամենաէական կետերը:

1.    Քննարկվում է  Իտալիայից բոլոր վերադարձածներին երկու շաբաթով  հատուկ վայրում մեկուսացնելու հնարավորությունը (վերջնական որոշումը կհրապարակվի):
2.  Քննարկվում է հնարավորությունը (տարբեր սցենարներով), որ վարակակիրների մոտ ուղեկցող այլ հիվանդություների դեպքում տվյալ անձանց պետությունն ապահովի՝ հիմնական հիվանդությունները բուժելով։
3. Հաշվի առնելով այս վիրուսին հատուկ շնչառական և թոքային խորացող խնդիրնեը՝ գույքագրվել և մոբիլիզացվել են հանրապետությունում առկա արհեստական շնչառության բոլոր սարքավորումները, ընդհուպ կոնկրետ  հիվանդանոցում առանձացվել է մի մեծ խմբաքանակ, որպեսզի սուր դեպքում անմիջապես գործի դրվի։
4. Քննարկվում է արհեստական շնչառության սարքերի նոր  խմբաքանակ ձեռք բերելու հնարավորությունը։
5.  Մի քանի ամսվա  դեղորայքային բազա հնարավոր է ձեռք բերվի՝ հնարավոր սուր դեպքում անհրաժետ խմբաքանակով զինվելու համար։
6. Առկա՝ շուրջ 200 հազար դիմակներին շուտով ևս 300 հազար նոր ներկրվողը կգումարվի, որպեսզի համալրվեն բուժհիմնարկները անհրաժեշտ քանակով (այս անգամ հնարավոր է՝ բարձր ինքնարժեքով ձեռքբերվի)։
7. Ներկրվել է և առկա է 2 հազար ախտորոշիչ թեստերի նոր խմբաքանակ։

Հիշեցեննք, մարտի 11-ին Հայաստանում հայտնաբերվել է կորոնավիրուսի ևս 3 դեպք: Այսպիսով՝ վարակվածների ընդհանուր թիվը 4 է, մեկուսացվածներինը՝ այս պահի դրությամբ 57-ը:  Հայտնաբերված և մեկուսացված է կորոնավիրուսով հաստատված 3 նոր անձանց սերտ շփման ամբողջ շրջանակը: