14  06  2019

Ռոբերտ Քոչարյանի աջակիցների ակցիան՝ Վերաքննիչ դատարանի դիմաց



Վերաքննիչ դատարանի դիմաց ակցիա է՝ ի աջակցություն ՀՀ երկրորդ նախագահ Ռոբերտ Քոչարյանի:

Հիշեցնենք, որ այսօր՝ հունիսի 14-ին Վերաքննիչ քրեական դատարանում՝ նախագահությամբ Արմեն Դանիելյանի, տեղի է ունենալու ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի վերաբերյալ գործով Գլխավոր դատախազության ինչպես նաև տուժողների իրավահաջորդների ներկայացուցիչ Վահե Գրիգորյանի և տուժողի ներկայացուցիչ Սեդա Սաֆարյանի կողմից ներկայացված վերաքննիչ բողոքների քննությունը:

Գլխավոր դատախազությունը բողոքարկել է մայիսի 18-ի՝ Երևան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու և նույն դատարանի մայիսի 20֊ի՝ քրեական գործի վարույթը կասեցնելու և Սահմանադրական դատարան դիմելու որոշումը:

Նշենք, որ դատավոր Դանիելյանի ինքնաբացարկի միջնորդություն էր ներկայացրել Ռոբերտ Քոչարյանի պաշտպան Հայկ Ալումյանը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ