Նիկոլ Փաշինյանի մեծ մամուլի ասուլիսը՝ ամբողջությամբ

Նոյեմբերի 20-ին ՀՀ վարչապետ Նիկոլ Փաշինյանը մամուլի ասուլիս էր հրավիրել: Ասուլիսն առաջարկում ենք դիտել ամբողջությամբ, ինչպես նաև՝ որոշ մեջբերումներ խոսքերից.

Մենք վստահության քվե ենք ակնկալում ժողովրդից՝ առաջիկա 5 տարիներին Հայաստանի կառավարման պատասխանատվությունը ստանձնելու համար:

Եթե կոնսենսուս չլինի մենք կշարունակենք աշխատանքները դրան հասնելու ուղղությամբ, որովհետև ՀԱՊԿ-ում որոշումները կայացվում են կոնսենսուսով:

Բելառուսի ԱԳՆ-ին Հայակական կողմից արձագանք եղել է:

Բելառուսի նախագահից չեմ ստացել որևէ արձագանք:

Մենք մեր դաշնակցային պարտականություները լիարժեք կատարում ենք, ինչը ցավոք չենք կարող պնդել մի շարք այլ գործընկերների պարագայում:

Ես Գեղարքունիքի մարզ այցելել եմ որպես վարչապետ և հանդես եմ եկել քաղաքական ասելիքներով:

Մեր պարտավորությունը վերաբերվել է արտահերթ խորհրդարանական ընտրություններին:

Կառավարությունն իրենից կախված ամեն ինչ արել է թույլատրելիի սահմանում, որպեսզի օրենսգիրքը անցնի:

Սոցիալական վիճակի վերաբերյալ մենք քայլեր ենք ձեռնարկում, բայց այդ փոփոխությունը ես պատկերացնում եմ այն նույն բանաձևի շրջանակում, ինչ շրջանակում իրականացրել ենք հեղափոխությունը:

Հանրության հետ երկխոսությունը չենք դադարեցրել և չենք դադարեցնելու:

Հունիսին շատ քիչ աշխատավարձերի բարձրացում է տեղի ունեցել:

Սոցիալական իրավիճակի փոփոխությունը տեղի է ունենալու աշխատանքի խրախուսման և հնարավորությունների ստեղծման շրջանակներում:

Սոցիալապես անապահովների համար գազի և էլեկտրաէներգիայի սակագները նվազել են:

Հայաստանում իշխանությունը ամբողջությամբ վերադարձված է ժողովրդին, մենք կատարել ենք տրված խոստումները:

Հայաստանում հեղափոխությունից հետո 37 000 նոր աշխատատեղ է ստեղծվել:

Մեր ամենալուրջ խնդիրը մեր երկրի անվտանգության մակարդակի բարձրացումն է:

Տնտեսական ոլորտում ամենամեծ հաջողությունը համարում եմ Հայաստանից մենաշնորհի վերացումը, կոռուպցիայի դեմ պայքարը:

Տնտեսական ոլորտում ամենամեծ ձախոսումը համարում եմ այն, որ հանքաարդյունաբերության շուրջ մեր կողմից իրականացվող քայլերը բխում են Հայաստանի շահերից, բայց այնուամենայնիվ որոշակի նեգատիվ ֆոն է ստեղծում ներդրումների համար, բայց այն անպայման կվերականգնվի:

Ամուլսարի հարցում մինչև գարուն կկարողնանաք, իսկապես, փաստերի վրա հիմնաված որոշումներ կայացնել:

Եթե պարզվի, որ այդ նախագիծը ոչ մի վտանգ չի ներակայացնում մենք կաջակցենք դրա իրականացմանը:

17 նախարար այլևս չենք ունենալու:

Ոչ մեկի ձեռքից լրատվամիջոց չենք խլել և չենք պատրաստվում խլել

 Տնտեսական ակտիվության ցուցանիշը կազմված էր բուքմեյքերների գրասենյակներում արված ստավկաներից:

Տնտեսության մեջ տեղի է ունենում առողջացման գործընթացք, մենք խաղադրույքային տնտեսությունից տրանֆորմացիա ենք կատարում դեպի արդյունաբերական տնտեսություն:

Մենք պետք է հրաժարվենք հին տնտեսական կառուցվածքից, և ստեղծենք նորը:

 Սևանում վերագործարկվելու է շաքարի գործարանը:

 Նախատեսվում է Հայաստանում բացել կենցաղային տեխնիկայի արտադրության գործարան:

 Գազալցակայաններում գազի սպառման ծավալը կրկնապատկվել է:

 21-րդ դարում մենք կախված ենք կարկուտից, կարկուտը կգա, թե չի գա:

 Մենք չենք պատրաստվում ժողովրդին տոկոսի տակ գցելով տնտեսական ակտիվության ցուցանիշներ ապահովել:

 Պատրաստվում ենք Հայաստանը դարձնել արդյունաբերական, տեխնոլոգիական, արտահանման երկիր:

 Ռուսաստանի դիրքորոշումը ՀԱՊԿ-ի հետ կապված համարում եմ խիստ կառուցողական:

 ՊԵԿ-ը պարզաբանում տվել է և ասվել է, որ այդպիսի բան չկա, չի կարող լինել էնպես, որ մարդը մի տեղ հարկվի հետո գա Հայսատան հետո էլ էստեղ հարկվի:

 Չի կարող հարկային բեռի ավելացում լինել առանց ժողովրդի համաձայնության և քաջալերման:

 Հանրապետականներն ուղիղ եթերից դուրս չեն գալիս, ես էս ինչքան ժամանակա չեմ մտնում իրանք են մտնում, կվերադառնամ մի անհանգստացեք:

 Ես չեմ ասել ժողովուրդը չի ուզում աշխատել, ես ասել եմ ժողովրդին թույլ չեն տվել աշխատել:

 10 միլիարդ 594 միլիոն դրամ է վերականգնվել բյուջե, 64 միլիարդի շրջանակներում քննություն է տարվում:

 Արցախի հարցը մեր երկրի, մեր ժողովրդի համար ունի առանցքային և անկյունաքարային նշանակություն:

 Հայ ժողովուրդը Արցախի հարցի վերաբերյալ բանակցային գործընթացից և բովանդակությունից տեղեկացված է առավել քան երբևէ:

 Ոմանք ընկալել են, որ ես ու Ադրբեջանի նախագահը «չաթ» ենք անում:

 Ես տիրապետում եմ տեղեկություններին, քանի որ այդ հարցերի շուրջ ինձ բոլորը հարցեր են տալիս և ես պետք է տիրապետեմ այդ հարցերին, որպեսզի տամ պատասխանները:

 Ես չեմ կարող որոշ հարցերի վերաբերյալ տեղեկությունների չտիրապետեմ, բայց դա նաև չի նշանակում, որ քննության ընթացքին միջամտում եմ:

 Շատ գործերի քննությունը հնարավոր է դարձել միայն այն պարագայում, որ ես Հայաստանի վարչապետն եմ:

 ՀԱՊԿ գլխավոր քարտուղարի հարցը երկրորդական, նույնիսկ չորրորդական հարց է:  

Չենք պատրաստվում լռության մատնել Հայաստանի շահերին առնչվող որևէ հարց:

Իրանի հետ հարաբերություններում ոչ մի փոփոխություն չենք տեսնում, դրանք պետք է լինեն փոխշահավետ:

Հույս ունեմ, որ մեր ամերիկացի գործընկերներն ըմբռնումով են մոտենում մեր իրավիճակին:

Ինչ-որ պաշտոնյաներ բացել են ընտրացուցակները, մարդկանց անուն-ազգանունները վերցրել ու նպաստառուի գործ են սարքել:  

ԵԱՏՄ-ում կան մեծ հնարավորություններ, և ամեն ինչ կանենք, որ այդ հնարավորությունները լավագույնս օգտագործվեն:  

Կառավարության ծառայողական մեքենաների վարորդներին առաջարկում ենք աշխատանքի անցնել նաև GG և Yandex ընկերություններում՝ հավելյալ եկամուտ ստանալու համար: