Հայաստանի և Կանադայի վարչապետների ասուլիսը՝ ամբողջությամբ

Հոկտեմբերի 13-ին ՀՀ և Կանադայի վարչապետներ Նիկոլ Փաշինյանն ու Ջասթին Թրյուդոն հանդես եկան մամուլի ասուլիսով: 

Ասուլիսն առաջարկում ենք դիտել ամբողջությամբ, ինչպես նաև ներկայացնում ենք որոշ հատվածներ պատասխաններից:

Նիկոլ Փաշինյան, ՀՀ վարչապետ

Ջասթին Թրյուդոն առաջին վարչապետն է, ով պաշտոնական այցով եկել է Հայաստան:

Քննարկել ենք ներհայաստանյան, միջազգային և տարածաշրջանային հարցեր:

Հայ-կանադական հարաբերություններում շատ լավ մթնոլորտ է և դա շատ անհրաժեշտ է վերածել լավ գործերի, որպեսզի ավելի շոշափելի համագործակցություն տեղի ունենա երկրների միջև:

Ներկա քաղաքական իրողության առանձնահատկությունն այն է, որ ՀՀ ղեկավարի կարգավիճակում գտնվող մարդը պետք է ներկայանցի ոչ միայն քաղաքացիներին այլ նաև ժողովրդին:

Քաղաքական փոփոխությունը ընդմիշտ ուղեկցելու է մեզ, որովհետև ժողովրդավարությունը, օրենքի գերակայությունը միայն իմ քաղաքական թիմի պատկերացումը չէ:

Ցեղասպանության ճանաչումը միայն անցյալի ճանաչման խնդիր չէ, այլև՝ ապագայի կառուցման:

Հայոց ցեղասպանության միջազգային ճանաչումը Հայաստանի համար ունի 2 կարևոր իմաստ. Առաջինը՝ Հայաստանն իր նպաստն է բերում ցեղասպանությունների կանխարգելման գլոբալ պայքարին, երկրորդը՝ մեզ համար ցեղասպանության միջազգային ճանաչումը նաև անվտանգության խնդիր է, որովհետև շատ կարևոր է արձանագրել, որ, ըստ էության, մենք ունենք սպառնալիքի պոտենցյալ:

Արցախում ապրող հայերի առջև կանգնել է նոր ցեղասպանության սպառնալիքը:

Ջասթինը իր պատրաստակամությունն է հայտնել Հայաստանում Կանադական ներդրումների ակտիվացմանը:

Մենք կարևոր ենք համարում, որ մեր միջազգային գործընկերները տեղեկացված լինեն մեր պատկերացումների մասին:

Ջասթին Թրյուդո, Կանադայի վարչապետ

Մենք միասին կաշխատենք Ֆրանկոֆոնիայի հռչակած ընդհանուր նպատակների համար:

Ֆրանոֆոն երկրները մեր բոլորի համար կապահովեն նաև ավելի մեծ բարեկեցություն:

Ես հնարավորություն ունեցա այցելելու Ցեղասպանության հուշահամալիր, որը շատ զգացմունքային փորձառություն էր: Աշխարհը պետք է պահպանի հիշողությունը, մենք պետք է ասենք այլևս երբեք:

Կանադայում 60 000 կանադահայ համայնք կա, ովքեր հարստացնում են մեր ազգի, երկրի համայնապատկերը:

Մեր երկու երկների քաղաքացիները մեր ընդհանուր պատմութունն են գրում:

Քննարկեցինք Կանադա-Հայաստան ընդհանուր ապագան

Մենք որոշեցեինք դյուրացնել մեր 2 երկրների միջև ճամփորդողների խնդիրները:

Նախատեսեցինք քննարկել երկկողմանի հնարավոր համաձայնագիր օդային փոխադրումների մասին:

Աշխատելու ենք նաև դյուրացնել զբոսաշրջիկների և գործարաների շփումները:

Միասին կստեղծենք փայլուն ապագա աշխարհի համար:

Այս հանդիպումը միայն սկիզբն է դնում մեր հարաբերություններին:

Կանադան վաղուց ընդունել և ճանաչել է հայ ազգի ցեղասպանությունը:

Կանադան շատ կարևոր դեր է խաղում աշխարհով մեկ կոնկրետ քայլեր ձեռնարկելու՝ հնարավորինս նվազեցնելու քաղաքացիների նկատմամբ նմանօրինակ ոճրագործությունները:

Մենք շարունակելու ենք ջատագովել միջազգային մակարդակով Հայոց ցեղասպանության ընդունումն ու ճանաչումը՝ հասկանալով, որ անցյալի ճանաչումը առաջին քայլն է դեպի հաշտեցում և խաղաղություն:

Մենք քննարկեցինք ջրային ռեսուրսների կառավարում, ենթակառուցվածքային ծրագրեր, կեղտաջրեր, թափոնների կառավարման ռեսուրսներ. սրանք են այն ուղղությունները, որոնց մասին մենք շարունակելու ենք զրուցել գալիք ամիսների ընթացքում:

Հայաստանում մեծ պոտենցյալ կա ներդրողների, որոնք հետաքրքրական են կանադական ընկերությունների համար: