29 03 2018

Հանքատերերի բացահայտում, հարկային արտոնություններ, պետկան գույքի նվիրում և օտարում. Կառավարության նիստը



Մարտի 29-ը կառավարության հերթական նիստի օրն է: Օրակարգում ներառված է 58 հարց, որից 43-ը՝ չզեկուցվող:

Գործադիրը՝

Փոփոխություն արեց տարբեր տարիներին ընդունված բազմաթիվ որոշումներում:

Հավանություն տվեց ՀՀ մետաղական հանքաքար արդյունահանող կազմակերպությունների իրական սեփականատերերի բացահայտման համար անհրաժեշտ միջոցառումների ցանկին:

Արմավիրի մարզում ճանապարհի նորոգման համար գումար տրամադրեց տրանսպորտի, կապի և տեղեկատվական տեխնոլոգիաների նախարարությանը:

Որոշեց քանդել շահագործման համար ոչ պիտանի անշարժ գույք:

Ֆինանսների նախարարությանը վերապահեց նոր լիազորություններ:

Երևանի մետրոյի վերականգնողական ծրագիր-փուլ II դրենաժային թունելի երկարացման և վերականգնողական աշխատանքներ մետրոյի թունելներում ծրագրով շինարարական աշխատանքների կատարման նպատակով «Ագազոս» (Իսպանիա) ընկերությանը լիցենզավորման ենթակա գործունեություն իրականացնելու թույլտվություն տվեց:

«Քաղաքային կայուն զարգացման ներդրումային ծրագրի Տրանշ-2, Բաբաջանյան-Աշտարակի խճուղի ճանապարհահատվածի շինարարական աշխատանքների կատարման նպատակով «Տիրենա Սքավի» (Իտալիա) ընկերությանը լիցենզավորման ենթակա գործունեություն իրականացնելու թույլտվություն տվեց:

Նվիրաբերեց և օտարեց մի քանի պետական անշարժ գույք:

Փոփոխություններ և լրացումներ առաջարկեց մի շարք օրենքներում:

Համաձայնություն տվեց ՀՀ կառավարության և Զարգացման ֆրանսիական գործակալության միջև թիվ CAM 1007 02 E ֆինանսավորման համաձայնագրի կնքման առաջարկությանը:

ՀՀ պաշտոնաթող նախագահ Սերժ Սարգսյանին օրենքով սահմանված երաշխիքներ տրամադրեց:

Կառավարության օրակարգն ամբողջությամբ՝ այստեղ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ