18 09 2019

10 հակափաստարկ՝ 10 տնտեսական հարցերի վերաբերյալ

10 հակափաստարկ՝ 10 տնտեսական հարցերի վերաբերյալ

Տնտեսական զարգացման նախաձեռնությունների կենտրոնի ուսումնասիրության արդյունքում բացահայտված 10 հակափաստարկ՝ ՀՀ վարչապետ Նիկոլ Փաշինյանի կողմից ներկայացված 100 փաստերից 10 տնտեսական հարցերի վերաբերյալ:

 Փաստ 1. 2019 թվականի 7 ամիսների տվյալներով նախորդ տարվա նույն ժամանակահատվածի համեմատ ՀՀ-ում ՀՆԱ իրական աճի ցուցանիշը կազմել է 6,8 տոկոս...

❌Հակափաստարկ. ՀՆԱ-ի իրական աճի տեմպը ՀՀ ՎԿ-ի կողմից հաշվարկվում և հրապարակվում է եռամսյակային կտրվածքով, ուստի 6,8 -ը տոկոսը վերաբերում է ՏԱՑ-ին և ոչ մի կերպ ՀՆԱ-ին:

 Փաստ 2. 2019 թվականի առաջին կիսամյակում հարկային եկամուտներն արձանագրել են աննախադեպ՝ 25 տոկոսանոց աճ՝ այսինքն նախորդ տարվա համեմատ ավել են հավաքագրվել 152 միլիարդ դրամի հարկեր և տուրքեր:

❌Հակափաստարկ. 2019 թվականի առաջին կիսամյակում հարկային եկամուտները (ներառյալ տուրքերը) արձանագրել են 24,5 տոկոս աճ՝ կամ նախորդ տարվա համեմատ ավել են հավաքագրվել շուրջ 141 միլիարդ դրամի հարկեր և տուրքեր, իսկ 152 միլիարդը կամ 25,1 տոկոս աճը վերաբերում է պետական բյուջեի եկամուտներին, այլ ոչ թե հարկերի և տուրքերի մեծությանը:

3????. Փաստ 9. 2019 թվականի առաջին 6 ամիսների ընթացքում մի շարք երկրներից Հայաստան ժամանած զբոսաշրջիկների թիվը տպավորիչ աճ է արձանագրել: Ընդհանուր առմամբ 2019-ի առաջին կիսամյակում ունենք զբոսաշրջության 12.8 տոկոս աճ:-Մեծ Բրիտանիայից ժամանածներինը՝ 22.9 տոկոսով աճել են:

❌Հակափաստարկ. Համաձայն ՀՀ ՎԿ տվյալների՝ 2019 թվականի առաջին կիսամյակում ունենք զբոսաշրջության 12,3 տոկոս աճ: Ի թիվս ըստ առանձին երկրների վիճակագրական թվերի որոշ անհամապատասխանությունների, ուշագրավ է նշել, որ համաձայն հյուրանոցային տնտեսություններում հաշվառված զբոսաշրջիկների՝ Միացյալ Թագավորությունից այցելող զբոսաշրջիկները շուրջ 66.5 տոկոսով նվազել են:

4????. Փաստ 12. 2019 թվականի 7 ամիսների արդյունքներով հաջողվել է տարվա մեկնարկին նկատված արտահանման անկումը հաղթահարել և գրանցել 3 տոկոս արտահանման աճ։ ... Էական աճ են արձանագրել ոսկերչական իրերի արտահանումը՝ 58 տոկոս, ...

❌Հակափաստարկ. Արտահանման ծավալների աճ արձանագրած ապրանքատեսակներից ոսկերչական իրերի դեպքում աճը եղել է 18,4 տոկոս

5????. Փաստ 13. 2019 թվականի առաջին 8 ամիսներին գյուղատնտեսության ոլորտում նախորդ տարվա համեմատ արձանագրվել են հետևյալ փոփոխությունները. Ջերմոցային տնտեսությունների մակերեսն ավելացել է 48 տոկոսով կամ 426,2 հեկտարով, Կաթիլային համակարգերով ոռոգվող հողատարածքների մակերեսն ավելացել է 56 տոկոսով կամ 1004,5 հեկտարով, Հակակարկտային ցանցերով պաշտպանված հողատարածքների մակերեսը գրեթե կրկնապատկվել է՝ ավելանալով 94.5 տոկոսով կամ 182,2 հեկտարով, Սառնարանային տնտեսությունների հզորություններն ավելացել են 26 տոկոսով կամ 15,1 հազար տոննայով:

❌Հակափաստարկ. Տարակարծիք մեկնաբանությունների տեղիք է տալիս իրականացվող փոփոխությունների արդյունավետությունը, քանի որ 2019 թվականի առաջին կիսամյակում գյուղատնտեսության ոլորտը 7,4 տոկոս անկում է գրանցել:

6????. Փաստ 14. 2019 թվականի հունվարից հուլիս ամիսների ընթացքում տրամադրված հիփոթեքային վարկերը կազմել են 84,5 մլրդ դրամ՝ գերազանցելով նախորդ տարվա նույն ժամանակաշրջանում տրամադրված հիփոթեքային վարկերի ծավալը 90,5 տոկոսով:

❌Հակափաստարկ. Ըստ ՀՀ ԿԲ-ի տրամադրված տվյալների միայն բանկային համակարգով տրամադրված հիփոթեքային վարկերը դիտարկվող ժամանակահատվածում աճել են 275 տոկոսով:

7????. Փաստ 16. 2015 թվականից ի վեր առաջին անգամ արձանագրվել է արտաքին պետական պարտքի նվազման միտում: 2019 թվականի հունիսի դրությամբ, վերջին 15 ամիսների ընթացքում Հայաստանի արտաքին պետական պարտքը նվազել է 120 մլն դոլարով կամ 2,1 տոկոսով:

❌Հակափաստարկ. Դիտարկվող ժամանակահատվածում արտաքին պետական պարտքի նվազումը պայմանավորված է ոչ թե արդյունավետ կառավարմամբ, այլ հիմնականում ԱՄՆ դոլարի նկատմամբ ազատ փոխարկելի տարադրամի և եվրոյի արժեզրկմամբ:

8????. Փաստ 19. Երկրում գնաճը պահպանվում է ցածր, կառավարելի մակարդակում և որ ամենակարևորն է, այն քիչ տատանողական է: 2019 թվականի հունվար-հուլիսին միջին գնաճը կազմել է 1,9 տոկոս, իսկ հուլիսին 12-ամսյա գնաճը՝ 1,7 տոկոս։

❌Հակափաստարկ. Խոսքը ոչ թե հուլիսին 12-ամսյա գնաճի ցուցանիշին է վերաբերում, այլ 2019 թվականի հուլիսը 2018 թվականի հուլիսի նկատմամբ, երբ գնաճը կազմել է 1,7 տոկոս: Ընդ որում՝ դիտարկվող ժամանակահատվածում որոշ առաջին անհրաժեշտության պարենային ապրանքների գները կտրուկ աճել են. կարտոֆիլի գինն աճել է 75,4 տոկոսով, ձվի գինը՝ 38,9 տոկոս, թռչնամսի գինը՝ 13,6 տոկոս, բանջարեղենինը՝ 11,7 տոկոս, մակարոնեղենի գինը՝ 8,4 տոկոս և այլն:

9????. Փաստ 53. Կառավարությունը հավանություն է տվել նվազագույն աշխատավարձի շեմը 55 հազար դրամից 68 հազար դրամ բարձրացնելու օրենքի նախագծին, որի փոփոխությունները վերաբերելու են մասնավոր ոլորտում աշխատող 45 հազար մարդու, պետական ոլորտում՝ 35 հազարին:

❌Հակափաստարկ. Չենք կարող արձանագրված փաստ համարել նվազագույն աշխատավարձի շեմում հենց 68 հազար դրամի հաստատումը, քանի որ այդ հարցի շուրջ դեռ խորհրդարանական լսումներ չեն եղել:

10????❌. Վարչապետի կողմից ներկայացված ցանկում առկա են տնտեսական բլոկին վերաբերող մի շարք ցուցանիշներ, որոնց արժանահավատությունը հնարավոր չէ ստուգել՝ տվյալների անհասանելիության պատճառով:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ