Տնտեսական համակարգի մասին Ռոբերտ Քոչարյանը ակնհայտորեն շատ ավելի լավ գիտի, քան մնացած բոլորը Հայաստանում. Վարդան Բոստանջյան. Tert.am

Ներդրումները շատ լուրջ տնտեսական հասկացություն են, և թե՛ ներքին, թե՛ արտաքին պոտենցիալ ներդրողները երբևիցե դրան չեն դիմի, քանի դեռ չեն հասկանում, թե ինչ տնտեսական քաղաքականություն է իրականացվում: Այս մասին Tert.am-ի հետ զրույցում ասել է «Ծառուկյան դաշինք» խմբակցության նախկին պատգամավոր Վարդան Բոստանջյանը՝ անդրադառնալով վարչապետ Նիկոլ Փաշինյանի վարած տնտեսական քաղաքականությանը, ՀՀ 2-րդ նախագահ Ռոբերտ Քոչարյանի՝ «Երկիր Մեդիա» հեռուստաընկերությանը տված հարցազրույցին: Հարցազրույցից որոշ հատված ներկայացնում ենք ստորև.

«Մարդը 10 տարի ղեկավարել էր Հայաստանը, դրանից առաջ՝ Լեռնային Ղարաբաղը, և բոլոր դեպքերում երկնիշ տնտեսական աճն ապահովվված էր այդ ժամանակաշրջանում: Եվ տնտեսական համակարգի ու տնտեսության զարգացման օրինաչափությունների նրբությունների մասին ակնհայտորեն շատ ավելի լավ գիտի, քան մնացած բոլորը Հայաստանում: Այդ կտրվածքով, իր շեշտադրումները իրականությանը համապատասխանում են»:

-Թալանի գործակիցը ահավոր բան է, դրա համար հասարակությունը, կներեք, զզված էր թալանի էս ողջ գործընթացից, և դրա պատճառով մերժեց նախորդ իշխանությանը: Բայց բոլոր պարագաներում, դա չպետք է վերածվի, ինչպես ինքը վարչապետն էր ասում, վրեժխնդրության ու վենդետայի: Հիմա ես չեմ ասում՝ օրինականություն չհաստատի, դատական համակարգը չաշխատի, խոսքն այն մասին է, թե մենք ինչ ենք անում, որ դուրս գանք էդ ոչ ցանկալի իրավիճակից:

-Այսինքն՝ Ձեր կարծիքով՝ իրականացվում է վենդե՞տա:

-Բոլոր դեպքերում, մի՞թե դժվար է նկատել:

-Ինչքա՞ն վերականգնեն, ենթադրենք՝ 100 միլիոնի, չէ, 1 միլիարդի չափով, 2 միլիարդի չափով վերականգնեն, դրանից հետո մեր տնտեսական զարգացումը կլավանա՞: Վերականգնումը ոչ այլ ինչ է, քան այն, որ բոլոր, գոնե այս պահին, գործունեություն իրականացնողները հայտնվում են մի իրավիճակում, որ նրանք սկսում են մտածել՝ շարունակե՞լ այդ գործունեությունը, թե՞ ոչ: Այսինքն՝ դա հստակ ունի իր բացասական հետևանքները, որ կարող է պատահել, որ առհասարակ, մինչև այժմ աշխատողներն էլ, թեկուզ վատ աշխատողներն էլ դադարեն աշխատել: Իսկ այս ժողովրդին, հասարակությանը ո՞վ պետք է կերակրի: Սխալվում են ու պատժվում են միայն նրանք, ովքեր գործունեություն են ծավալում՝ լավ, թե վատ: Աշխատենք այնպես անել, որ լավ լինի էդ գործունեության արդյունքը, օրինական լինի:

-Ոչ, իմ վերլուծականում արդեն իսկ ասել եմ, որ առաջընթացի նշույլները կարող ենք տեսնել առնվազն 3 տարի հետո: Բայց, բոլոր պարագաներում, մենք պետք է դրա սաղմերը տեսնեինք հիմա, առաջին քայլերը: Տեսե՛ք՝ մարդկանց կասեցրին, բռնեցին, հետո բաց թողեցին, դրանով, փաստորեն, մենք ուրախություն ենք պատճառում բոլոր նրանց, ովքեր որևէ օգտակար գործողության գործակից չեն ունեցել: Զրոյական ՕԳԳ ունեցող մարդկանց ուրախացրինք»,- ասել է նա: