25 07 2018

Ռուսաստանը որոշել է բարձրացնել գազի գինը. «Հրապարակ»

Ռուսաստանը որոշել է բարձրացնել գազի գինը. «Հրապարակ»

«Հրապարակ» թերթը գրում է. «Մեր տեղեկություններով՝ Ռուսաստանն արդեն իսկ կայացրել է քաղաքական որոշում․ տարվա վերջին, երբ ավարտվում է Հայաստանի հետ գազային պայմանագիրը, բարձրացնել գազի սակագինը։ Ռուս փորձագետներից մեկը մեզ ասաց․ «Որպեսզի Ռուսաստանի այդ քայլը չմեկնաբանվի ոչ բարեկամական ԵՏՄ հայաստանյան իր պարտնյորի նկատմամբ, Ռուսաստանը գազի գինը կբարձրացնի նաև Բելառուսի համար, ապա հետադարձ սխեմաներով Բելառուսի համար կիջեցվի այն, իսկ Հայաստանի համար կմնա նույնը, որովհետև այստեղ այլևս ոչ թե չեն վստահում հայաստանյան նոր իշխանություններին, այլև մի շարք հարցերի հետ կապված տարակուսած են, ինչի մասին չեն երկնչում Հայաստանից Ռուսաստան ժամանած բարձրաստիճան հյուրերին տեղեկացնել։

Հայաստանում թող չմոռանան ու չոգևորվեն Վրաստանի օրինակով։ Վրաստանին Արևմուտքն առանձնապես գրանտներ չտվեց, վարկեր տվեց, և այսoր Վրաստանի արտաքին պարտքը, ի տարբերություն Հայաստանի 7 միլիարդի, 14 միլիարդ է։ Վրաստանն այսօր առանց Օսիայի ու Աբխազիայի է, իսկ երկրի իրական ղեկավար Իվանիշվիլին «Գազպրոմի» 6 տոկոսի սեփականատերն է: Ասել է, թե ՝ նա ռուսական «տղա» է»:

Նյութն ամբողջությամբ կարդացեք «Հրապարակ»-ում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ