16 07 2018

Եվրոպան արգելել է ռուսական մսի ներմուծումը

Եվրոպան արգելել է ռուսական մսի ներմուծումը

Եվրամիությունը սահմանափակել է Ռուսաստանից թռչնամսի ներմուծումը՝ կապված երկրում թռչնի գրիպի տարածման հետ: Այս մասին նշվում է անասնաբուժական և բուսասանիտարական վերահսկողության դաշնային ծառայության նյութերում:

Մասնավորապես, վարակը գրանցվել է Ռոստովի, Կուրսկի, Սամարայի, Պենզայի և Օրլովի շրջաններում: Գերատեսչության տվյալներով՝ այժմ Եվրամիություն թռչնամիս է հասցնում 18 ռուսական ձեռնարկություն:

Արգելքը վերաբերում է անմիջականորեն թռչնամիսին, դրանից պատրաստված կիսաֆաբրիկատներին, թռչնային արտադրանքին, որը ջերմային մշակման չի ենթարկվել, ինչպես նաև կենդանական ծագման այն ապրանքներին, որոնք պարունակում են նյութեր՝ ստացված թռչնի մսից:

Ավելի վաղ թռչնի գրպի պատճառով Ղազախստանն արգելել էր Ռուսաստանից 36 թռչնաֆաբրիկաների արտադրանքի ներմուծումը:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ