ԱԺ շենքում տեղի ունեցած խուլիգանությունը եղել է ծրագրավորված և այլ շենքից հրահանգված․ Սեյրան Օհանյան

«Երեկ ԱԺ շենքում տեղի է ունեցել խմբակային հերթական խուլիգանությունը և հերթական անգամ խորհրդարանի պատգամավորական մեծամասնության նախաձեռնությամբ ու մասնակցությամբ  փորձել են երեք հոգու հետ հաշիվ պարզել և այդ ամենը տմարդի ճղճիմ ձևով՝ հրավիրել են սեղանի շուրջ զրուցելու և մի քանի տասնյակ մարդկանցով հարձակվել ։  Միջադեպի ժամանակ իրեն կրավորական է պահել այս շենքում ,իբր անվտանգություն ապահովող, ՊՊԾ-ն․ սա հուշում է ևս մեկ անգամ, որ խուլիգանությունը հերթական անգամ եղել է ծրագրավորված և այլ շենքից հրահանգված»,-այս մասին հերթական քառոօրյա նիստի ժամանակ հայտարարեց «Հայստան» խմբակցության ղեկավար Սեյրան Օհանյանը։

Շարունակելով խոսքը նա նշեց․

«Եթե իշխող ուժն ուզում է խուլիգանապետություն կառուցել, ապա ճիշտ ճանապարհին է, եթե ուզում է մինչև վերջ վարկաբեկել պետական ինստիտուտները, ապա ճիշտ գիծ  են  ընտրել, իսկ եթե ուզում է հանրության ուշադրությունը շեղել Սյունիքի միջանցքի թեմայից, գերիների մասին խայտառակ հայտարարություններից, բյուջետային միոցների մսխման հաշվետվությունից և Արցախի թեմայով Հայաստանի ղեկավարությանը Ռուսաստանի ապտակից, ապա դա նրանց չի հաջողվելու»,-ընդգծեց Սեյրան  Օհանյանը՝ հավելելով․

«Իհարկե այս  դեպքը չի մոռացվելու և  սպասելու ենք իշխանության արձագանքին»:

Մանրամասն՝ տեսանյութում։